Volkswagen отвори нов репрезентативен салон во Пекинг. Купувачите за првпат можат на едно место да ги погледнат сите модели што марката ги нуди во земјата. Секако дека од тоа не може да произлезе друго освен гигантски салон – кој ќе продолжи да расте.
Во Пекинг заврши изградбата на првиот дел од новиот центар на Volkswagen. Целосниот објект ќе биде завршен во текот на следната година. Посетителите во овој „центар за доживување на Volkswagen“ со површина од 24.000 метри квадратни ќе имаат можност за комплетно интерактивно доживување на марката од Волфсбург. Главното внимание ќе биде насочено кон електричниот погон, поврзувањето на возилата во мрежа и автономното возење.
Тука ќе биде сместен и „Центарот на иднината“ на групацијата Volkswagen. Интердисциплинарниот тим е составен од дизајнери и експерти за дигитализација. Нивната задача ќе биде да изнајдат нови решенија за мобилност, коишто ќе излегуваат во пресрет на специфичните барања на азиските пазари.