Производи

Часовник од Omologato во чест на легендарниот Џејмс Хант

Џејмс Хант часовници Omologato

Џејмс Хант е едно од најпознатите имиња од формула 1, од времето кога возачите уживаа плејбојски живот и болидите пиеја и пушеа. Уште се помнат неговите жестоки дуели со Ники Лауда. Специјалистот Omologato изработи серија часовници во чест на оваа тркачка икона.

Марката часовници Omologato ја познаваме по ексклузивните серии мерачи на време коишто се посветени на легендарните личности и настани од светот на мотоспортот. Последната серија е посветена на Џејмс Хант, легендата од формула 1. Неговите дуели со Ники Лауда уште долго ќе се помнат како едно од најжестоките ривалства на тркачките патеки.

Џејмс Хант е едно од најистакнатите имиња од златната генерација во формула 1, покрај Ники Лауда

Мотоспортот одбележува 70 години од раѓањето на овој возач од златната генерација. Неговото освојување на титулата светски шампион во формула 1 во 1976 година беше филмски овековечено во „Rush“ од 2013 година. Џејмс Хант живееше како плејбој и неговите забави честопати завршуваа на насловните страници.

Omologato James Hunt 4954

Во чест на оваа возачка легенда, по 750 примероци ќе се изработат од двете дизајнерски варијации на The Official James Hunt Chronograph. Може да се избере кожен или комбиниран кожено-најлонски ремен, на подлогата во мат црна боја се наоѓа потписот на Џејмс Хант. Целиот дизајн го заокружуваат лентите во црвена, сина и жолта боја. Оваа комбинација од бои се наоѓаше на шлемот на Џејмс, во чест на колеџот Велингтон, кадешто тој се образувал.

Британскиот производител го нуди часовникот по цена од 599 фунти.

Omologato James Hunt 2954

Omologato James Hunt 1954

Omologato James Hunt 5954

Следете ја Automedia.mk

Тест на летни гуми на клубот АДАК