166
21 shares, 166 points

Првиот примерок од Škoda Octavia излезе од фабриката во Млада Болеслав пред точно две децении. Отогаш се произведени над пет милиони примероци. Не постои модел на Škoda што има достигнато поголема продукција од Octavia.

Пред дваесет годони, на 3-ти септември 1996 година, поранешниот чешки претседател Вацлав Хавел го означи почетокот на работата на новата фабрика на Škoda во традиционалното седиште на марката во Млада Болеслав. Во следните две децении, Škoda Octavia прерасна во светски бестселер и до денес е најпродаван модел на чешката марка.

Во февруари 1995 година во Млада Болеслав беше поставен камен темелникот на новите погони во коишто производството на Škoda Octavia требаше да започне 18 месеци подоцна. За новата моделска серија беше изградена модерна хала со површина од 32.000 метри квадратни, заедно со управна зграда со површина од 2.500 метри квадратни и придружна инфраструктура од вкупно 3.000 метри квадратни. Во март беше готова лакирницата, со дневен капацитет за 1.800 примероци од моделите Škoda Felicia и Octavia.

„Прекрасно би било доколку сите фабрики изгледаат како оваа“

Претседателот Вацлав Хавел ја пушти новата фабрика во погон на 3-ти септември 1996 година, со што беше обележан стартот на сериското производство на Škoda Octavia. Претседателот на Република Чешка по тој повод изјави: „Фабриката е прекрасна, модерна, навистина е убава. Би било прекрасно доколку сите фабрики изгледаат како оваа.“

Развојот на новиот модел започна во 1992 година, околу една година по пристапувањето на Škoda во групацијата Volkswagen. Octavia користеше платформа од концернот, којашто беше меѓу најнапредните во тоа време. Со мудро осмислениот каросериски концепт на комбилимузина, Octavia се издвојуваше со практичноста. Огромниот капак отвораше пристап до багажник од 528 литри, односно максимално 1.328 литри со соборена клупа.

Производство и во Кина, Индија, Русија и Казахстан за бестселерот на Škoda

Купувачите имаа избор од два бензини и еден турбодизел. Во мај 1998 година се придружи и Octavia Combi, коајшто една година подоцна беше достапна и во верзија со погон на сите тркала. Последниот примерок од првата генерација беше произведен во ноември 2010 година, кога продукцијата достигна 970.000 комбилимузини и 470.000 комби изведби од Octavia.

Втората генерација го продолжи успехот на претходникот, со 1,6 милиони примероци од Octavia и 900.000 примероци од Octavia Combi произведени меѓу 2004 и 2013 година. Во ноември 2012 година следеше почетокот на производството на третата генерација. Бестселерот на Škoda денес е подеднакво популарен и како приватно и како службено возило, во големите возни паркови. Откако првиот примерок излезе од погоните на 3-ти септември, за овие дваесет години се произведоа над пет милиони примероци од Octavia. Моделот денес се произведува и во Кина, Индија, Русија и Казахстан.


Ти се допаѓа? Сподели со пријателите!

166
21 shares, 166 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743