за

Јавниот превоз во Германија остварил приход од 17,5 милијарди евра

јавниот превоз во германија приход

Статистиките што пристигаат од педантните Германци секогаш се импресивни, а тоа важи и за следниов податок. Лани, јавниот превоз во Германија остварил приход од 17,5 милијарди евра. За ориентација, тоа е шестпати повеќе отколку ланскиот буџет на Македонија.

Приходот остварен од јавен превоз на лица, вклучувајќи ги железницата, трамваите и автобусите во Германија, лани достигнал рекордни 17,5 милијарди евра. Според првичните резултати што ги објавува Сојузната служба за статистика, тоа претставува зголемување од 2,3 проценти во споредба со претходната година.

Јавните претпријатија за превоз на лица оствариле приход од 15 милијарди евра, претпријатијата во мешовита сопственост 0,63 милијарда евра, додека приватните претпријатија 1,87 милијарда евра.

Со 3,38 милијарди евра (+1,4%), приходот од превоз на ученици, студенти и останати образовни групи, учествува со точно една петина во вкупниот приход од јавен превоз.

Јавниот превоз во Германија за пет години „пораснал“ за близу 10 проценти

Во споредба со 2011 година, приходот од јавниот превоз во Германија за пет години се зголемил за 9,4 проценти или за 1,5 милијарда евра.

Во 2016 година, од секој од 11,4-те милијарди патници (+1,6%) во јавниот превоз во Германија е остварен приход од просечно 1,53 евро. Приходот по еден километар превоз по лице изнесува во просек 16 центи.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

електричниот камион на Tesla

Електричниот камион на Tesla одложен за средината на ноември

Range Rover Velar без кожен ентериер

Купувачите помалку се интересираат за кожен ентериер