156
20 shares, 156 points

Новиот спортски теренец на Peugeot нема да остане без верзија со погон на сите тркала. Француската марка го потврди плагин-хибридот кој ќе ја донесе оваа опција во гамата на 3008 SUV.

Претходната генерација на Peugeot 3008 предизвика технолошка канонада при појавувањето пред осум години. Меѓу другото, тогашниот кросовер понуди комбинација од дизел и електромотор, станувајќи прв масовно произведуван автомобил со дизел-хибриден погон. Електромоторот на задната оска обезбеди погон на сите тркала во топ-верзијата Peugeot 3008 HYbrid4. Штотуку претставената нова генерација на Peugeot 3008, којашто го напушти сегментот на кросовери и се префрли меѓу спортските теренци од компактната класа, засега ќе вози и без погон на сите тркала и без хибриден погон. Но, тоа набрзо ќе се смени, затоа што и 3008 SUV е дел од стратегијата за проширување на понудата од модели со електрифицирана погонска спрега на Peugeot.

Аналогно на претходникот, новиот 3008 повторно ќе добие пионерска улога во понудата на француската марка. Во 2019 година, спортскиот теренец ќе се појави на пазарот во верзија со плагин-хибриден погон, а со самото тоа и во верзија со погон на сите тркала. Дури потоа ќе следат електрични верзии на моделите 208 и 2008, развиени на модифицирана платформа CMP во соработка со кинескиот партнер Dongfeng. Наспроти тоа, моделите на Peugeot од повисоките класи ќе располагаат со плагин-хибриден погон. До крајот на деценијава, групацијата PSA ќе претстави вкупно седум модели со плагин-хибриден погон и четири возила со електричен погон, вклучувајќи и модели на Citroen, DS и Dongfeng.

Французите засега не откриваат детали околу идната хибридна верзија на 3008, освен податокот дека моделот ќе располага со вообичаениот досег од 50 километри при погон само со енергијата во батериите. Шефовите на Peugeot исто така не откриваат дали новиот кросовер ќе биде достапен дополнително и во верзија со електричен погон, покрај плагин-хибридот. Во секој случај, обете погонски технологии се мошне блиски и само од стратегијата и од пазарниот интерес ќе зависи дали 3008 SUV ќе се понуди паралелно во двете верзии.

Во моментов, ниту една од трите марки на групацијата PSA не располага со плагин-хибриден погон. Единствена опција за помош од електромотор следува во Peugeot 508 RXH и во DS5, во „напуштената“ комбинација со дизел мотор. Шведскиот Volvo исто така се збогува од комбинацијата за двојно штедење со дизел и електромотор.


Ти се допаѓа? Сподели со пријателите!

156
20 shares, 156 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format