155
20 shares, 155 points

На купувачите на коишто самиот факт дека возат Porsche Cayenne им е недоволно ексклузивен, марката од Штутгарт им ја нуди специјалната серија Platinum Edition. Сега пристигаат уште два нови модела во оваа серија, Cayenne S и Cayenne S Diesel.

Porsche ја проширува понудата од моделски изведби коишто се достапни во специјалната серија Platinum Edition, со Cayenne S и Cayenne S Diesel. Богатото ниво на опременост и неколкуте препознатливи детали во надворешноста и во кабината се заштитен белег на серијата. Стандардно следуваат бандажи од 21 инч во платинеста боја, кожени седишта од Cayenne GTS со средишен дел од алкантара и со електрично местење, како и греење за предните седишта. Заедно со Cayenne Diesel и Cayenne S E-Hybrid, платинестата серија сега брои вкупно четири моделски изведби на големиот теренец на Porsche.

Porsche Cayenne S Platinum Edition 2

Надворешната појава е облагородена со детали лакирани во сјајна црна боја, дополнително затемнети задни стакла и проширувања на крилата во боја на каросеријата. Биксенонски светла со динамично осветлување се стандард, исто како и паркинг сензори и самозатемнувачки ретровизори.

На праговите на предните врати се наоѓаат плочки со натпис „Platinum Edition“, а во потпирачите за глава е втиснат грбот на Porsche. Инфо-забавните системи не се пропуштени: Интернет-навигација, озвучување Bose и сите можни видови на поврзување. Типичен детал за серијата е аналогниот часовник во кокпитот.

Porsche Cayenne S Platinum Edition 3

Моќноста останува непроменета, што значи 420 КС од 3,6-литарскиот битурбо со шест цилиндри и 385 КС за осумцилиндарскиот дизел. Цената за Cayenne S Platinum Edition во Германија изнесува 87.442 евра, додека Cayenne S Diesel Platinum Edition чини 90.417 евра.


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *