173
22 shares, 173 points

Таму кадешто завршува асфалтот и почнуваат земјените патеки, патот за обичниот тркачки велосипед престанува. Тука патот го презема таканаречениот гравел-бајк. Но, што е толку особено кај овој новитет и што тој нуди различно од тркачкиот велосипед?

На брзинскиот велосипедизам му се отвораат нови патишта, во буквална смисла. Тркачките велосипеди повеќе не се строго „врзани“ со асфалтираните патишта, туку може да се користат и во нови средини, велосипедистите сега можат и надвор од асфалтот да уживаат во својот омилен спорт. Тоа го овозможуваат пошироките гуми, коишто се основа на таканаречените „гравел-бајк“ или велосипеди за сите терени. Овие гуми не се толку чувствителни на оштетувања кога се вози надвор од асфалт, за разлика од вообичаените, тесни гуми. 

velosipedi za site tereni 00001

Бидејќи широките гуми може да се возат со понизок притисок за на тој начин да налегнат со поголема површина, тракцијата на земјена подлога се подобрува. Различно од претпоставките, спортското возење не се губи, затоа што колку гумите се подебели, толку е подобро пробивањето по нерамна подлога. Трендот не случајно се нарекува и „road plus“.

Техничките иновации отвораат нови можности

Друга важна карактеристика на овие велосипеди за сите терени се диск-сопирачките, коишто се преземени од планинските велосипеди и достапни се со формата на рачката за сопирачки којашто е типична за брзинските велосипеди. Производителите почнаа со поинтензивен развој на овие сопирачки откако меѓународната велосипедска спортска асоцијација во 2010 година го одобри користењето на диск-сопирачките во циклокросот. Веднаш потоа се појавија и првите модели на тркачки велосипеди со диск-сопирачки. Бидејќи овие сопирачки дејствуваат директно на оската на тркалото, нема потреба од вообичаените сопирачки клешти што дејствуваат на бандажите и ја ограничуваат ширината на самите бандажи и на гумите.

velosipedi za site tereni 00006

Пресудна улога во трендот на „гравел-бајк“ имаше и развојот на тјублес-гумите. Исто како кај автомобилите, тука нема потреба од внатрешна гума, со што се заштедува во тежина. За заштита од помали продупчувања се користи вулканизирачка маса што се полни во гумите.

Гравел-бајк е само варијанта на велосипед за трки во издржливост?

Познавачите ќе најдат сличности со велосипедите за трки во издржливост, коишто се еден вид претходник на гравел-бајкот. Но, постојат значајни разлики. Велосипедите за издржливост се тркачки велосипеди со незначително подебели гуми, заради поголем комфор во возењето. Седењето е порелаксирано во споредба со класичните тркачки велосипеди, односно рамката е покуса и воланот е поставен повисоко. Наспроти тоа, гравел-бајк може да користи уште пошироки гуми и седењето е многу поспортско.

velosipedi za site tereni 00003

Трендот на широките гуми почна од производителите на велосипеди по мерка и малосериските производители. Откако гравел-бајк го привлече вниманието, на спортските велосипедисти им стана јасно дека тука не се губи од брзината на тркачкиот велосипед и само се добива поширок спектар на примена. Тоа ги наведе и поголемите фирми да понудат на пазарот свои модели на гравел-бајк.

velosipedi za site tereni 00004

Во понудата постојат и бројни модели со багажник или осветлување со динамо во оската, како и со навои за калници. Гравел-бајк често се користи и како секојдневен превоз, а не само како спортски реквизит. Како и за сите новитети, купувачите уште реагираат релативно скептично на гравел-бајкот и сметаат дека се работи само за маркетиншки трик. Пазарот во САД полесно ги прифаќа новитетите и велосипедистите ги препознаваат предностите. Веројатно е само прашање на време кога гравел-бајк ќе се пробие и на европска почва, бидејќи поедноставното користење и поширокото подрачје на примена се неспорни.


Like it? Share with your friends!

173
22 shares, 173 points
djakonov

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730