143
19 shares, 143 points

Со триесет испорачани примероци од Tesla Model 3 стартува втората голема автомобилска револуција по воведувањето на сериското производство. Триесет автомобили се премалку? Следат уште најмалку половина милион. Електричната лимузина чини 35.000 долари.

Tesla повеќе не е марка електрични автомобили што можат да си ја дозволат само богатите купувачи во луксузниот сегмент. Со Tesla Model 3, калифорнискиот специјалист нуди возило што е достапно за многу поширок круг купувачи. По еден месец од почетокот на сериското произодство, Tesla ги испорача првите 30 примероци од електричната лимузина, за којашто досега има пристигнато повеќе од половина милион нарачки.

Илон Маск е рокерската ѕвезда на автомобилската сцена. Шефот на Tesla влета на бина со црвен Model 3 и по излегувањето од возилото беше пречекан со овации од вработените во Фримонт. Целиот свет е свесен дека ова е историски момент за автомобилската индустрија.

„Нашата намера никогаш не беше да произведуваме скапи автомобили“

Новиот автомобил со знакот на Tesla, со цената од 35.000 евра за основниот модел е најмалку двапати поевтин од луксузниот Model S и од кросоверот Model X. Пристигањето на Tesla Model 3 е пресудно за напредокот на електромобилноста, од аспект на предводничката улога на калифорниската марка во погонот на струја. Маск вложи милијарди долари во изградбата на фабрики за автомобили и батерии. Планот е годишната продукција да достигне половина милион примероци од Model 3 и сто илјади примероци од Model S и Model X. Годинава ќе биде претставен и камион со погон на струја.

Tesla Model 3 е остварување на првата стратешка цел на револуционерниот потфат на Илон Маск. Како што открива мултимилијардерот, неговата намера никогаш не била да се произведуваат скапи автомобили. Купувачите на Model S и Model X практично го финансираа појавувањето на поевтиниот модел.

Tesla Model 3 постигнува досег од 350 километри – за 9.000 долари следуваат уште 150

При предавањето беа откриени и неколку дополнителни технички податоци за возилото. Досегот со стандардната батерија изнесува 354 километри, крајната брзина изнесува 209 километри на час. Спринтот до сто трае помалку од шест секунди. Верзијата со поголема батерија чини дополнителни 9.000 долари, нејзиниот досег изнесува 500 километри, крајната брзина исто така се зголемува на 225 километри на час.

Продукцијата во следниот период ќе се зголемува постепено. Во јули беа изработени 50 примероци, од кои производителот задржа дваесет. Во септември ќе се произведат 1.500 примероци, за веќе во декември да биде достигната планираната месечна продукција од 20.000 примероци. Доколку Model 3 се нарача денес, на испорака ќе се чека најмалку до крајот на 2018 година. Првите примероци во Европа ќе пристигнат дури в година.

Автомобилот е подготвен и за автономно возење. За таа цел, Model 3 стандардно располага со осум камери и цела серија сензори. За почеток ќе бидат активирани системите за асистенција. Подоцна во возилата ќе почне да се вчитува и софтвер за автономно возење.


Like it? Share with your friends!

143
19 shares, 143 points
djakonov

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730