Прибор

Сопствениците на BMW можат да сварат кафе додека возат

Саемот на електроника IFA носи бројни нови трендови, од контрола на климата во домот до вклучување на телевизорот преку паметен телефон. И во BMW навреме ги насетија трендовите.

За спуштање на ролетните или отворање на вратите и прозорците во иднина воопшто не мора да се биде во домот. BMW им нуди можност на сопствениците на нивните возила да ги вршат овие работи оддалеку, поточно од самиот автомобил. Со апликацијата од Qivicon, посестринска фирма на Telekom, BMW им покажува на посетителите на саемот на електроника IFA во Берлин како со функциите на „паметниот дом“ може да се управува директно од сопствениот автомобил.

За демонстрација на новите можности се користи електричниот BMW i3, со когошто е поврзан паметен телефон со инсталирана апликација од Qivicon за „Smart Home“. Откако паметниот телефон ќе се поврзе со возилото може преку средишниот контролер iDrive во возилото да се активираат електронските уреди или да се вклучи клима уредот во домот. Притоа, на дисплејот во возилото се прикажува дали некој прозорец или врата се останати отворени.

Со оваа иновација во подрачјето на Connected Car, Баварците докажуваат дека производителите со огромна брзина напредуваат во подрачјето на конективноста во автомобилите. Секако дека дополнителен услов за користење на технологијата на Smart Home е автоматот за кафе и машината за перење алишта, како и прозорците и вратите во сопствениот дом да поседуваат фунција Smart-Home.

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами