177
22 shares, 177 points

Сомнежите околу неправилностите во издувните гасови и на други марки покрај Volkswagen се потврдуваат со последното тестирање на германското еколошко здружение. По Opel, екстремни вредности се откриени и кај Renault.

Германското еколошко здружение претходно ги објави застрашувачките резултати од тестирањето на емисијата на штетни материи кај 1,6-литарскиот мотор на Opel во ванот Zafira, а сега следува уште една марка. Дали целата автомобилска бранша мами околу вредноста на азотни оксиди во издувните гасови? Моторот 1.6 dCi во Renault Espace ги задоволува пропишаните вредности според нормата Euro 6 само при тестирање на незагреан мотор и при посебни услови. Ситуацијата се менува драстично откако моторот ќе ја постигне работната температура. Во пет тестови според нормираниот циклус, емисијата на азотни оксиди бележи вредности што се за 13 до 25 пати над дозволените. Здружението најави дека тестирањата ќе ги продолжи и кај дизел моторите од други марки.

По енормното надминување на дозволените вредности кај Opel Zafira 1.6 DTCi, уште повисоки вредности се измерени кај Renault Espace
По енормното надминување на дозволените вредности кај Opel Zafira 1.6 DTCi, уште повисоки вредности се измерени кај Renault Espace

Renault Espace 1.6 dCi ја исполнува нормата само со посебна подготовка на возилото и при незагреан мотор

Проверката на еколошката подносливост на Renault Espace 1.6 dCi со 12.300 изминати километри и емисија според Euro 6b беше извршена во лабораторијата на Техничкиот факултет во Берн, Швајцарија. Од здружението соопштуваат: „Го подложивме на тест Renault Espace Diesel затоа што на други тестирања се покажаа застрашувачки високи емисии. На нашето тестирање се покажа дека постои шаблон. Единствено кога автомобилот еден ден претходно ќе се подготви за тестирањето што следува, моторот покажува одлични вредности. Доколку не се изврши подготовката и се тестира со загреан место со незагреан мотор, се покажуваат високи вредности какви што досега немаме измерено.“

Нови генерации модели и нови мотори имаат вредности како во 1980-те

Мерните резултати со загреан мотор покажуваат екстремно високи вредности на азотни оксиди, дури 2.061 mg/km. Дозволени се 80 mg/km. Вакви вредности имаа автомобилите кон крајот на 1980-те години, пред да се воведат стандардите за издувни гасови. Неверојатно е дека по три децении, на патиштата уште возат автомобили што во толкава мера го загадуваат атмосферскиот воздух. Но, Opel и Renault, а претходно и Volkswagen, не се единствени што мамат со издувните гасови. Проблемот е на ниво на браншата. И на политиката.


Ти се допаѓа? Сподели со пријателите!

177
22 shares, 177 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743