Вести

Шведски фамилии ги тестираат роботските автомобили на Volvo

Семејството Симоновски од Гетеборг е меѓу првите што учествуваат во големиот проект на Volvo

Volvo им се обрати за помош на најупатените во идната технологија за автономно возење. Неколку семејства во Шведска ќе ги тестираат роботските автомобили. Во следните четири години зад воланот ќе се сменат 100 возачи и секој од нив ќе има придонес во развојот на технологијата што пристига во возилата на Volvo веќе во 2021 година.

Volvo стартуваше со тестирање на возила со автономна технологија, или поточно, неколку семејства во Шведска ја добија задачата да проверат како во реални услови функционира оваа технологија. Тие ќе ги тестираат автономните возила по јавните патишта во Гетеборг и на производителот ќе му ги соопштат своите оцени за техниката.

Првите фамилии што ќе ги добијат големите теренци Volvo XC90 со пробната техника на иднината се Хаин и Симоновски – нормално е дека луѓето со македонски корени се истакнуваат во светот. Семејството Симоновски се: Сашко (44), Ана (41) и нивните деца Елин (10) и Вилијам (8).

Отстапувањето на возилата со автономна технологија на користење во шведските семејства е дел од обемниот и скап проект Drive Me. Во почетокот на следната година други фамилии ќе ги преземат тест-возилата. Во следните четири години вкупно 100 лица ќе бидат вклучени во проектот.

Роботските автомобили не може да се тестираат на тркачки патеки, тука семејствата го имаат главниот збор

Забелешките што ќе ги дадат фамилиите се од голема огромна важност за Volvo. Инженерите ќе ги следат возилата во секојдневни услови на користење, при возење до работа, преземање на децата од училиште или набавки за домаќинството.

Volvo планира првите автомобили со автономна технологија да ги пушти во продажба во 2021 година. Податоците од проектот Drive Me ќе имаат клучна улога во развојот на технологијата.

Во првата фаза, возачите ќе мораат да ги држат рацете на волан и да надгледуваат како функционира технологијата. Но, со текот на времето, учесниците постепено ќе препуштаат техниката да го преземе возењето. Целта на производителите со воведувањето на автономното возење е зголемување на безбедноста во сообраќајот. Секако дека и возачот профитира со можноста да го искористи времето зад воланот, на пример за проверка на е-поштата.

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729