162
29 shares, 162 points

Не се случува секој ден, индустриски гитанти да се борат за донесување построги закони за издувни гасови од камионите пред Комисијата на ЕУ. Шведскиот производител на мебел Икеа, францускиот синџир супермаркети Карфур, најголемиот производител на храна во светот Нестле, шпедицијата ДБ Шенкер и концернот Унилевер, бараат Комисијата на ЕУ повеќе да се заложи за заштитата на животната средина. Според нив, неоподни се драстични промени во сообраќајот.

Во својот допис до претседателот на комисијата Жан Клод Јункер, компаниите наведуваат дека 27 проценти од севкупната емисија на стакленички гасови во ЕУ потекнуваат од сообраќајниот сектор. Тешките камиони моментно учествуваат со 25 проценти, но нивниот удел нагло ќе се зголемува во иднина. Комисијата пресметала, дека емисијата на стакленички гасови од камионите, до 2030 година ќе се зголеми за 28 проценти во споредба со 2015 година.

ЕУ веќе работи на новата регулатива и ќе ја претстави веројатно кон средината на мај

Компаниите бараат ЕУ да донесе построги ограничувања за штетните емисии од камионите, односно потрошувачката на гориво на влекачите да се намали за 24 проценти до 2025 година. Комисијата веќе работи на нова регулатива за издувните гасови од камионите и веројатно ќе ја претстави во средината на идниот месец.

[tie_slideshow]

[tie_slide]

Автомобилската индустрија буквално го сопира напредокот кон почисти и поевтини погонски решенија, коишто се неопходни за зачувување на животната средина. Децениските врски на производителите на возила со политиката ги поштедуваат првиве од инвестирање во нови технологии и производствени капацитети.

Но, во меѓувреме и третата страна станува сé погласна и повлијателна, а тоа се компаниите на коишто заштедата во потрошувачката на гориво им се рефлектира директно во профитабилноста.

Дополнително оптоварување ќе биде воведувањето патарина чијашто висина се одредува според емисијата на СО2 од камионите.[/tie_slide] [/tie_slideshow]

Во исто време и здружението на европските производители на автомобили АЦЕА се бори за своите интереси и исто така предлага намалување на емисијата на СО2 од камионите, но не за 24%, туку за само седум проценти до 2025 година. Оттаму предвидуваат дека емисијата ќе се намали за 16 проценти до 2030 година, за што производителите ќе мораат да потрошат огромни суми пари.

Наспроти тоа, гигантите во производството и продажбата на храна и мебел пишуваат до Комисијата, дека потрошувачката на гориво на влекачите би можела да се намали за дури 45 проценти до 2030 година. Инвестициите што се неопходни за тоа да се постигне, би се амортизирале по само две години.

Производителите на камиони бараат пари од државата

Здружението на авто-производители АЦЕА, сепак инсистира, трошоците за преоѓање на почист и поштедлив погон да се префрлат на товар на даночниците. Оттаму бараат, ЕУ да инвестира во полначи за струја, како и да обезбеди субвенции со коишто ќе се поттикне продажбата на камиони со алтернативен погон.

Дописот од Икеа, Нестле и останатите компании до Комисијата на ЕУ е охрабрувачки чекор и докажува дека од реномираните субјекти од најразлични сектори може да се очекува силен притисок врз законодавството, а оттаму и врз производителите на камиони, затоа што пониската потрошувачка на гориво им обезбедува и поголема профитабилност во работата.


Ти се допаѓа? Сподели со пријателите!

162
29 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743