163
126 shares, 163 points

Пред пет години Nissan стартуваше со електричниот модел Leaf, за денес тој да биде најпродаван електричен автомобил во историјата, надминувајќи 200 илјади примероци.

Над две милијарди километри имаат поминато сите продадени примероци од електричниот автомобил Nissan Leaf во последниве пет години. Ова растојание што е еднакво на 2.600 повратни патувања до Месечината е особено значајно затоа што е постигнато без ниту еден грам штетни материи. Во петте години откако стартуваше првата генерација, Nissan Leaf ја има поштедено атмосферата од 348.482 тони јаглероден диоксид.

nissan leaf 200 00004Во јануари ќе биде испорачан и 200.000-от примерок од Nissan Leaf. Околу 90 проценти од продажбата е постигната на пазарите во САД, со 90.000 примероци, Јапонија (50.000) и Европа (40.000). Електричниот Leaf досега има освоено 92 награди, вклучувајќи ги наградите за автомобил на годината во Европа и во Јапонија, но и титулата на светски автомобил на годината.

Искуствата на Nissan со електричните возила датираат од пред 68 години, со тогашниот Tama Electric Vehicle. Оттогаш компанијата води сопствени истражувања и развој на батерии за електрични возила, преоѓајќи ги сите фази во развојот почнувајќи од батериите на база на цинк, преку метал-хидридни, до денешните литиум-јонски батерии. Во 1996 година, Nissan прв стартуваше со литиум-јонски батерии во моделот Prairie Joy. Овие искуства беа искористени како солидна основа за Nissan да оствари голема предност пред конкуренцијата во ова подрачје и да го комерцијализира првиот електричен автомобил од големосериско производство, Nissan Leaf. Јапонската компанија досега има инвестирано над 500 милијарди јени во проекти од електромобилноста.

Паралелно на комерцијализацијата на Leaf, Nissan постави и близу 10.000 брзи полначи за струја за електрични автомобили низ светот, кои овозможуваат батериите да се наполнат до 80 проценти за само половина час. Само во Јапонија се поставени 6.000 вакви полначи.

Новото моделско годиште на Leaf доби батерии со капацитет од 30 киловатчасови, со што досегот се зголеми за 20 проценти. Продажбата на овој модел во Европа ќе стартува во јануари.


Like it? Share with your friends!

163
126 shares, 163 points
djakonov

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730