175
22 shares, 175 points

Неколку дузини од најголемиот камион на Mercedes ги измерија силите со конкурентите во преку 1.000 споредбени тестови на потрошувачката на гориво. Шпедитерите знаат колку значат десетте проценти заштеда.

Деветесет камиони Mercedes Actros 1842 LS и 1845 LS ја предизвикуваа конкуренцијата на мегатестот на потрошувачка на гориво „Fuel Duel“ којшто се одржуваше во 22 европски држави, од северот на Финска до југот на Италија и од најзападната точка на Шпанија до најисточната точка на Романија. Влекачите со носивост од 18 и 25 тони извозеа 1.000 споредбени тестови со најважните конкуренти од европските марки, совладувајќи растојание од пет милиони километри. Во преку 90 проценти од тестовите победуваа камионите на Mercedes, постигнувајќи на крајот заштеда во потрошувачката на гориво од просечно 10,5 проценти.

Првиот од илјадате тестови стартуваше во Холандија

Мегатестот започна пред две и пол години во Холандија. Правилата: Се избира Mercedes-Benz Actros од возниот парк на некој шпедитер и две недели се следат неговата рута и товарањето. Претходно, возачите добиваат основни упатства за штедливо возење и во почетокот се придружувани од професионални инструктори на Mercedes-Benz. Потоа следи редовното и самостојно возење на турите, со телематска асистенција од FleetBoard. На крајот, потрошувачката на Actros се споредува со вредноста на камионите од другите марки во возниот парк на големите шпедитери.

Камионите се избираат од мешаните возни паркови на големите шпедитери и потрошувачката на Actros се споредува со просекот од останатите камиони во возниот парк
Камионите се избираат од мешаните возни паркови на големите шпедитери и потрошувачката на Actros се споредува со просекот од останатите камиони во возниот парк

Actros поседува аеродинамична кабина StreamSpace, којашто во значајна мера придонесува за заштедата во горивото, исто како и „економична“ програма за работа на менувачот PowerShift. Моторите BlueTec 6 по потреба испорачуваат поголем вртежен момент до задната оска со продолжен преносен однос, во 12-от степен на пренос. Помош за возачот доаѓа и од „пророчкиот“ темпомат Predictive Powertrain Control, заедно со телематскиот систем FleetBoard. На крајот следуваат и ламели во предната маска коишто се затворени кога нема поголема потреба од воздух за ладење на моторот, подобрувајќи ја на тој начин аеродинамиката, исто како и пумпа за вода којашто се вклучува само по потреба.

26,5 литри на 100 километри, 3.000 литри гориво помалку за една година

Во илјадитиот тест учествуваше Actros од возниот парк на германскиот шпедитер „Крејкенбом“, којшто претежно врши транспорт на контејнери меѓу Хамбург и Бремерхафен. Нивните камиони во просек минуваат 120.000 километри за една година, со потрошувачка од 29 литри, не вклучувајќи ги камионите Actros во паркот. На тестот, Actros 1845 LS од оваа шпедиција постигна 26,5 литри. Според тоа, при годишна километража од 120.000 километри, Actros ќе заштеди најмалку 3.000 литри дизел и ќе ја поштеди средината од 7,9 тони СО2.


Ти се допаѓа? Сподели со пријателите!

175
22 shares, 175 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3813