189
24 shares, 189 points

Познати се носителите на титулите за најдобри иновации за годинава што се доделуваат на најголемиот светски саем за производи и услуги за автомобилска постпродажба Аутомеханика. Експертско жири ги избира најдобрите иновации во осум категории, почнувајќи од автомобилски пневматици, до опрема за дијагностика.

Победниците во изборот за најдобра иновација на годината во рамките на саемот Аутомеханика покриваат најширок дијапазон на производи, почнувајќи од ултралесен акумулатор за мотоцикл, преку автомобилски пневматици изработени од глуварче и уред за заштита на возилото од кражба, до иновативни четки за автоперални.

Деветчленото експертско жири на еден од производите му додели две награди. Станува збор за пневматикот WinterContact TS 850 P од Continental, којшто победи во категоријата на прибор и персонализација, но исто така е избран и за најеколошки производ на изборот. Газечкиот профил на овој пневматик се изработува од каучук добиен од коренот на руско глуварче, што претставува ветувачка алтернатива на традиционалното производство од природен каучук.

Bosch LTX12-BS

Во категоријата на делови и компоненти победи Bosch со ултралесниот лутиум-јонски акумулатор за мотоцикли LTX12-BS. Покрај тежината, предности на овој акумулатор се подолгиот животен век во споредба со обичните оловни акумулатори, отпорноста на високи температури, непостоењето опасност од протекување и отсуството на потреба од одржување.

Наградата во категоријата електроника и системи ја понесе системот Portector на производителот On Board Defence. Овој систем ја спречува кражбата на возилото без клуч, блокирајќи ја секоја неовластена комуникација преку приклучокот за дијагностика. Во сервисирање и дијагностика, најдобар се покажа NGK Spark Plug Europe со мерниот уред со повеќе гасови NCEM. Тоа е моментно најкомпактен и најлесен мерен уред со повеќе гасови во светот и меѓу другото подржува и тестирање на емисија при реални услови на возење.

Corghi Uniformity

Corghi ја обезбеди титулата во категоријата поправка и одржување со машината за монтажа на пневматици Uniformity. Овој уред посетува дијагностичка функција, при што со помош на притискачки валјак и ласерски сензори се откриваат дефекти во бандажот и во пневматикот. Во подрачјето на менаџмент и дигитални решенија е одликуван Smart Service 4.0 од производителот AVL DiTest. Според жирито, „развојот во подрачјето на поврзувањето на уредите овозможува нова дефиниција на услугата.“

WashTec се избори за победа во категоријата за миење, одржување и козметички поправки на автомобили. Страничната четка MultiFlex може да врти околу задниот дел од возилото и да се приспособува со цел да измие под задниот спојлер или под браникот. Од добавувачите на производи и услуги, победата му припадна на Valeo за ласерскиот скенер Scala. Тоа е прв уред од овој вид за сериското производство на автомобили и клучен фактор за автоматизираното возење.

Наградите ќе бидат доделени на 13-ти септември во Франкфурт. Годинава пристигнаа номинации за 130 производи, што е за една третина повеќе отколку на последниот избор за иновација на годината.

Победниците во изборот за најдобра иновација во автомобилската постпродажба

Flickr Album Gallery Powered By: Weblizar

Ти се допаѓа? Сподели со пријателите!

189
24 shares, 189 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743