155
20 shares, 155 points

Џереми Кларксон, Ричард Хамонд и Џејмс Меј продолжуваат во стариот стил. На последното видео, триото се појавува на снимање во некоја пародична комбинација од родстер и теренец.

Видеото што деновиве беше качено на Youtube е уште една причина за новите епизоди на триото Кларксон, Хамонд и Меј да ги очекуваме со нетрпение. Водителите на стариот „Top Gear“ се појавуваат на снимање во стар Mercedes SL качен на огромни тркала, што наликува на пародија на кабриолет-теренецот Range Rover Evoque Convertible.

Очигледно е дека водителското трио не загубило од својата инвентивност по напуштањето на BBC. Новото шоу ќе стартува со емитување наесен, во серија од 36 епизоди и вкупен буџет од 250 милиони евра. Тоа значи дека за секоја епизода, на Кларксон и компанија ќе им стојат на располагање по дури шест милионите евра, наспроти 1,4 милион евра по епизода на „Top Gear“.

Тројцата водители се мошне активни и на социјалните мрежи и на Twitter објавија фотографии од снимањето на епизодата со Ferrari LaFerrari, McLaren P1 и Porsche 918. Потпишувањето на договорот со Amazon Prime, Кларксон го оцени како „преоѓање од двокатен автобус во вселенски брод.“ Споредбата е сосема на место. Според британските медиуми, контроверзниот водител ќе заработува годишно по 13 милиони евра, многу повеќе отколку во BBC. Неговите колеги ќе заработуваат нешто помалку од тоа. Поранешниот продуцент на Top Gear, Енди Вилмен, исто така е дел од екипата.

Уште не се знае насловот под којшто ќе оди новата емисија. Засега се појавуваат само шпекулации во коишто се спомнува името „Gear Knobs“, што асоцира на старата емисија, но има и по малку непристојно значење во жаргонскиот речник. Постои уште една варијанта и таа е поверојатна: Gear Nobs. Ова име наводно е регистрирано од правната агенција што го застапува шоуто.

Каналот BBC наскоро ќе ја емитува и последната епизода на „Top Gear“ со Џереми Кларксон, во којашто водителската тројка споредува стари теренски возила чијашто вредност не надминува 250 фунти.


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730