132
18 shares, 132 points

Техничарите на Jaguar Land Rover развиваат нова технологија којашто овозможува возачот далечински да управува со возилото преку апликација за паметен телефон. Меѓу другото.

Британската компанија во индиска сопственост откри неколку од идните технологии за самостојно управување со возилата. Прототипот на Range Rover Sport со далечинска контрола овозможува возачот да управува со возилото преку својот паметен телефон. Преку апликацијата на телефонот се контролира управувањето, гасот и сопирачките, а дополнително може да се вклучува и редукцијата во преносот. На тој начин, возачот може да чекори покрај автомобилот и безбедно да маневрира со него во опасни ситуации, односно да совладува потешки пасажи по теренот.

Една од можностите е извлекување на возилото од тесен паркинг
Една од можностите е извлекување на возилото од тесен паркинг

Паметниот телефон може да се користи и за извлекување на возилото од паркинг, доколку покрај него е преблиску паркирано друго возило и оневозможува отворање на вратата. Чекорејќи покрај возилото, возачот постојано ги следи аголот на пристап и на заминување, како и аголот на рампа меѓу возилото и теренот, овозможувајќи на тој начин прецизно позиционирање на возилото по пречките на теренот. Новата технологија е од голема помош и при минување преку река или лизгави пасажи покриени со кал или снег.

Далечинската контрола дејствува на растојание до 10 метри, авторизирајќи го пристапот преку клучот од возилото. Доколку возилото излезе од досег или возачот се приближи премногу, системот самостојно запира. Меѓу можните примени на системот спаѓа и самостојно управување преку пречка на теренот откако возачот ќе внесе едноставна команда во мобилната апликација или самостојно излегување од паркинг.

Возилото самостојно врши полукружно свртување место да се мачи возачот

Прототипот на Jaguar Land Rover може самостојно да изведе и вртење за 180 степени, кога возачот ќе се најде во слепа улица или на преполн паркинг, изведувајќи го маневарот со завртување на возилото во три потези што дел од возачите го доживуваат како мачно. За снаоѓање во просторот и избегнување пешаци, други возила или предмети, системот користи сензори и ја презема контролата со менувачот, управувањето, сопирањето и забрзувањето, за маневарот на вртење за 180 степени да се изведе во најмалку потези.

Истражувачкиот тим на Jaguar Land Rover работи и на систем што ја скенира средината околу возилото и го информира возачот дали е безбедно за изведување на таков маневар. Откако возачот ќе го потврди маневарот, возилото потоа ја презема целата постапка.

Возилото располага со оваа функционалност користејќи сензори и радари, камери и ултразвучна техника. Сите овие одделни системи се неопходни за возилото да може самостојно да функционира во реалниот свет и да ноди безбедни и прецизни одлуки. Техничарите, инаку, на возилото му го дадоа прекарот „Соло-Кар“.

 


Ти се допаѓа? Сподели со пријателите!

132
18 shares, 132 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format