163
21 shares, 163 points

Продажбата на автомобили со хибриден погон на европскиот пазар лани достигнала над 400.000 примероци, што претставува раст од една третина. Во следните години претстои нов бран од модели со поедноставен и поевтин хибриден погон, коишто сé повеќе ќе ги потиснуваат дизелите.

Пазарните аналитичари предвидуваат дека до средината од следната декада, приближно секое петто новорегистрирано возило во Европа ќе поседува таканаречен благ, односно паралелен хибриден погон. Наспроти овие модели, како Suzuki Baleno 1.2 SHVS, автомобилите со плагин-хибриден погон ќе постигнуваат трипати помало пазарно учество (6%), додека на класичните хибриди ќе отпаѓаат 3%, исто како и на автомобилите со електричен погон.

Големиот подем на автомобилите со хибриден погон во Европа се должи првенствено на одличната продажба на Toyota и проширувањето на понудата од хибридни модели, со C-HR или RAV4. Јапонската марка лани продала над 230.000 хибридни автомобили на европскиот пазар или за 47 проценти повеќе отколку преклани. Вградувањето на погонот со две срца во теренецот RAV4 се покажа како совршен потег: Близу 42.000 примероци се продале од овој модел.

Продажба на автомобили со електрифицирана погонска спрега во Европа во 2016

Вид на погон

Продажба

Тренд

Хибриди

294.800

+37%

Плагин-хибриди

112.300

+19%

Електрични автомобили

89.500

+4,8%

Електрични автомобили со помошен мотор

6.900

-4,1%

Автомобили со погон на водород

108

-2,7%

Втората најпродавана марка пристига од истата адреса – од сопствената луксузна марка Lexus. Планот на Јапонците е половина од продажбата да отпаѓа на автомобили со хибриден погон до почетокот на следната декада. Моментно нивниот удел изнесува околу една третина. Дизелот повеќе не е интересен за Toyota. Кросоверот C-HR не е достапен со дизел мотор, од неговата хибридна верзија се очекува да учествува со повеќе од 70 проценти во продажбата.

http://automedia.mk/objavi/27145

Жестока конкурентска битка им претстои на производителите. Лани во Европа биле продадени 112.300 модели со плагин-хибриден погон (+19%), како резултат од пристигањето на новите модели во овој сегмент. Најпродаван модел и натаму е Mitsubishi Outlander PHEV, којшто е на лидерското место уште од појавувањето на моделот во 2014 година.

Најпродавани модели со плагин-хибриден погон во Европа во 2016

Марка и модел

Продажба

Тренд

Mitsubishi Outlander PHEV

21.149

-33.00%

Volkswagen Passat GTE

13.327

+176%

Volkswagen Golf GTE

11.104

-37%

Mercedes C 350 e

10.056

+73%

Volvo XC90 T8

9.777

+236%

BMW 330 e

8.708

Audi A3 e-tron

6.589

-46%

BMW 225xe Active Tourer

6.047

BMW X5 xDrive 40e

5.664

+202%

Audi Q7 e-tron

3.732

Но, местото на пионерот меѓу хибридните теренци повеќе не му е сигурно. Volkswagen Passat GTE ја зголеми продажбата речиси двојно и се искачи од седмото на второто место, потиснувајќи го Golf GTE на третата позиција. Одлични резултати постигнуваат и Mercedes C 350 e, Volvo XC90 T8 и BMW 330e.

Норвешка ја укина субвенцијата поради некористење на полначите за струја

Велика Британија и Норвешка се најголеми европски пазари за плагин-хибридни автомобили, додека шампионот од 2015 година, Холандија, падна на третото место, откако продажбите се преполовија по укинувањето на широкоградите субвенции за фирмите: Владата утврди дека возачите воопшто не ги приклучувале своите службени автомобили на полнач за струја. Место да се намали емисијата на СО2, владините мери можеа да доведат до зголемување на истата.

blagi hibridi 00002

Примерот со Холандија докажува дека продажбата на хибридните автомобили зависи првенствено од субвенциите. Освен тоа, во повеќето држави во Европа постојат и повластици при редовното регистрирање и користење на возилата. Производителите дополнително се грижат да го привлечат интересот на купувачите, во последно време ставајќи нагласок на пеформансите на своите модели со хибриден погон. Тоа најдобро се забележува кај премиум марките Mercedes, BMW и Volvo.

blagi hibridi 00004

Силен поттик на овој дел од пазарот се очекува да пристигне во следните години од таканаречените благи хибриди, односно паралелни хибриди, коишто поседуваат поевтина и подноставна погонска техника во споредба со класичните, сериски хибриди. Основа на оваа погонска техника е мал електромотор од 48 волти, којшто е директно поврзан со коленастото вратило и испорачува дополнителна енергија од батериите, чиешто полнење се врши првенствено преку рекуперација на енергијата при сопирањето.

blagi hibridi 00001

Првите модели што понудија 48-волтен хибрид на европскиот пазар се Suzuki Baleno и Ignis 1.2 SHVS, а наскоро со оваа техника ќе се појави и Renault Scenic, за пред крајот на годината да следи и Megane. Се предвидува светскиот пазар за автомобилите со овој погон до 2020 година да достигне четири милиони примероци и да се искачи на 25 милиони до 2025 година. Францускиот производител во почетокот ќе го нуди благиот хибрид во комбинација со дизел мотор, но подоцна ќе следува негова примена и кај бензинските модели.

Помалите дизели во иднина ќе бидат заменети со паралелен хибрид

Паралелните хибриди во иднина ќе ги заменат моделите со помал дизел мотор во понудата. Ниската цена прави оваа технологија да биде попривлечна за производителите, место развој и усовршување на дизел моторите со цел да се исполнат уште построгите еколошки норми во иднина, особено кај помалите дизел мотори.


Ти се допаѓа? Сподели со пријателите!

163
21 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *