Дарко Јаконов
Додека деновиве постепено ќе се разоткриваат сите новитети што Peugeot ги донесува со 3008, еден детаљ не смее да се изостави. Во багажникот на новиот спортски теренец се наоѓа скутер со електричен погон и полнач за него. Има и е-велосипед.
Долго време се чекаше додека Peugeot повторно изненади со нов модел. Покрај многуте иновативни технологии и оригинални пристапи што ги носи новиот спортски теренец 3008, произлезен од досегашниот кросовер со истата ознака, се наоѓа и еден детаљ што навестува нова идеја во урбаната мобилност. За Peugeot 3008 може да се нарача тротинет или велосипед, обата со компактни димензии, благодарение на преклопливата конструкција и обата со поддршка од електромотор. Во багажникот на спортскиот теренец 3008 се наоѓа и посебен држач за овие возила, заедно со полнач, додека истите се наоѓаат во возилото.
New #SUVPeugeot3008 introduces new mobility solutions with e-Kick and e-Bike: https://t.co/1csKyJZZy9 pic.twitter.com/0jdHhUKcK1
— Peugeot (@Peugeot) May 23, 2016
Honda прва ја реализираше идејата за поставување велосипед во багажникот на автомобилот. Популарниот модел City во 1980-те години поседуваше посебно место во багажникот предвидено за стилскиот скутер, кој беше замислен да се користи за пристап до деловите од градовите во коишто тоа не е можно со автомобил. Идејата на Јапонците како и вообичаено беше премногу напредна за светот надвор од нивната островска земја и не наиде на особен успех. Подоцна и Ford се обиде да ја заживее идејата за „продолжена индивидуална мобилност“, но и тоа не успеа. Сега е на ред Peugeot, кој има многу поголеми шанси конечно да ја донесе оваа идеја до народот, имајќи во предвид дека името на француската марка се поврзува подеднакво силно и со велосипедите и скутерите.
По цена од околу илјада евра, Французите ќе го нудат електричниот тротинет e-Kick, со досег на поддршка од електромоторот до 12 километри, со брзина од 25 километри на час и со тежина пониска од 10 килограми. За батериите на e-Kick постои посебен полнач во багажникот на 3008 SUV, кој воедно служи и како држач. За велосипедот e-Bike, Peugeot уште должи детали и фотографии.
[FAG id=24423]
