137
18 shares, 137 points

Намалената тежина, одличната аеродинамика и штедливите мотори направија класата C на Mercedes да биде шампион во штедливост во класата. Најекономичниот модел троши само 4,0 литри дизел.

Техничарите на Mercedes е ангажираа буквално во секое подрачје со цел да ја намалат потрошувачката на гориво на новата класа С, а во исто време да го нагласат и нејзиниот спортски карактер. Со примена на алуминиум, моделот од средната класа е до 100 килограми полесен од претходникот.

Во целиот животен циклус, почнувајќи од производството, преку експлоатација на 200.000 километри, до крајното згрижување во отпад, новата класа С ослободува околу 10 проценти помалку СО2 од претходниот модел, односно дури 28 проценти помалку во споредба со моделската генерација од 2007 година.

Предуслов за одличните вредности претставува и аеродинамиката. Вредноста на отпорот на воздух од 0,24 за моделската изведба C 220 BlueTEC BlueEFFICIENCY Edition претставува рекорд во средната класа. Со подобрената аеродинамика се намали и нивото на бучност, кое што и кај претходникот беше на минимум.

Покрај тоа што ги задоволува барањата на ЕУ, најмалку 95 проценти од компонентите на возилото да се рециклираат, класата С вклучува и повеќе циклуси на искористување на обновливи материјали. Вкупно 52 делови од новата лимузина, со вкупна тежина од 49,3 килограми, содржат рециклирана пластика со висок квалитет, што е 23 проценти повеќе од претходникот. Дури 76 делови со вкупна тежина од 26,3 килограми се изработени од природни материјали, односно 55 проценти повеќе во споредба со претходната генерација на класата С.


Ти се допаѓа? Сподели со пријателите!

137
18 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *