134
18 shares, 134 points

Поголемиот број производители одбива да го користи новото разладно средство за клима уреди 1234yf, поради опасноста од пожар. Opel тестираше и утврди: Опасност не постои.

Околу новото разладно средство веќе подолго време се води жешка дискусија меѓу производителите на возила и законодавците. Opel изврши тестирање на новиот Mokka за да докаже дека нема причина за опасност.

При судирот во пречка при брзина од 50 километри на час, како што и се очекуваше дојде до истекување на разладното средство, но тоа не предизвика палење на возилото или создавање на течна киселина. Претходно, тестирање во симулирани услови на судир спроведе и Mercedes, на кое што се покажа дека сепак постои опасност од новото средство што го заменува старото средство 134а. Повеќето германски марки, меѓу кои Audi, BMW, Porsche и Volkswagen, исто така гледаат со недоверба во новото средство.

Повеќето производители на возила се залагаат за заеднички развој на клима уреди кои што се базирани на СО2-техника. До постигнувањето на сериската зрелост на новата техника е потребен период од уште три до четири години.

Дотогаш, 1234yf ќе биде единственото дозволено разладно средство за производителите на возила. ЕУ го забрани средството 134а да се користи во новите модели поради штетноста врз животната средина, по што авто концерните се сложија да го користат 1234yf како замена. Единствено германските производители одбија да го користат средството.

Новиот мини теренец Mokka е единствениот модел на Opel за кого што важи обврската за користење на 1234yf. Другите нови модели, како кабриолетот Cascada и малечкиот Adam, исто како и идната генерација на Corsa, ја минаа хомологацијата уште пред воведувањето на забраната за 134a. Истото важи и за другите модели од новите генерации, VW Golf VII исто така користи 134а.

Постои неизвесност околу тоа како германските производители ќе се справуваат со забраната за користење на 134а. Mercedes категорично одбива да го користи средството 1234yf и бара посебна регулатива со која што ќе се дозволи средството 134a да се користи и во следниот период. За производителите што нема да ја почитуваат забраната следуваат санкции, во форма на парични казни или одземање на типската хомологација на возилата кои имаат клима уред што работи со 134а.


Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730