Технологија

Мобилните на Samsung во драстично опаѓање

Според аналитичарите на Gartner, корејскиот производител во минатата година загубил повеќе од 20 проценти од пазарниот удел. Apple е во мал пораст, трета марка е во силен пробив.

Според податоците што ги објавија аналитичарите на Gartner, досегашниот владетел со пазарот на мобилните телефони трпи силен удар. Добивката на јужнокорејскиот производител опаѓа веќе четири квартали, а според аналитичарите се намалува и уделот на пазарот на паметни и мобилни телефони. Додека целиот пазар на паметни телефони во третиот квартал од годинава порасна за една четвртина во споредба со истиот период лани, уделот на моделите на Samsung во овој период се намали за 9 проценти. Според тоа, Samsung моментно држи 24 проценти од пазарот, додека во истиот квартал лани беа 32 проценти.

Конкурентот Apple го следи трендот со пораст од 26 проценти, додека кај Lenovo тој изнесува само 17 проценти. Најголем раст има кинескиот производител Xiaomi, којшто за една година успеа да ја зголеми продажбата за трипати и во пазарниот удел да го престигне Lenovo.

Нема промени кај оперативните системи. Android е во голема предност со преку 82 проценти, iOS е на 13 проценти. Обата система напредуваа, на сметка на Windows Phone (3% пазарен удел) и BlackBerry OS (0,4 проценти). Најголем придонес за зголемувањето на продажбата на паметни телефони имаат Источна Европа, Блискиот Исток и Африка, каде што таа забележа пораст од 50 проценти. Наспроти тоа, продажбата во Западна Европа се намали за околу 6 проценти.

Бројките сепак се однесуваат само на количината на продадени уреди. Од нив не може да се увидат добивките на одделните претпријатија. Apple не продава ниту половина паметни и мобилни телефони колку Samsung, но со нив заработува многу повеќе. Во последниот квартал Samsung постигна добивка од 1,6 милијарда американски долари во ова подрачје. Apple претвора 20 проценти од прометот во добивка, така што во третиот финансиски квартал од годинава заработи околу 5 милијарди долари со iPhone и iPad.

Светска продажба на паметни телефони на крајни корисници (Трет квартал 2014)
Производител Парчиња Удел (%)
Samsung 73,212 Мио. 24,4
Apple 38,186 12,7
Huawei 15,934 5,3
Xiaomi 15,772 5,2
Lenovo 15,011 5,0
Други 142,891 47,5
Вкупно 301,009 100,0

Напишете коментар

Вашата адреса за е-пошта нема да биде објавена. Задолжителните полиња се означени со *

Close

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730