131
18 shares, 131 points

Илон Маск, шефот на Tesla Motors, во следните две години планира да изгради фабрика за неговите електрични автомобили во Кина. Според Маск, Кинезите уште стравуваат од потешкотии при полнењето на батериите.

Калифорнискиот специјалист за електрични автомобили Tesla размислува за отворање фабрика во Кина во следните две години. Тоа го изјави шефот Илон Маск за време на неговата посета на Универзитетот Чингуа. Локалното производство на автомобилите на Tesla во Кина би ја намалило нивната цена за една третина. Уште е рано за детали околу локацијата на фабриката и за локалниот кооперациски партнер, когошто го пропишуваат законите во земјата.

Наспроти останатите региони, Tesla постигнува слаба продажба во Кина. Според Маск, причината е во тоа што Кинезите стравуваат од потешкотии при полнењето на батериите на возилото. Владата во Кина планира да ја забрза изградбата на мрежа од станици за полнење за електрични автомобили. Државата моментно одобрува субвенции за електричните автомобили, со цел да ја намали загаденоста на воздухот. Покрај тоа, Кина смета дека домашните производители на автомобили можат да постигнат поголема конкурентност со електричните автомобили наспроти странските производители.


Ти се допаѓа? Сподели со пријателите!

131
18 shares, 131 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *