140
19 shares, 140 points

Citroen обезбеди возен парк од 500 електрични возила во Мадрид, коишто жителите и посетителите на шпанската престолнина можат да ги изнајмуваат по цена од 19 евроценти за минута. Електричните автомобили го поштедуваат градот од штетна емисија, постапката за изнајмување е едноставна и брза, паркирањето е бесплатно.

Францускиот производител PSA и компанијата Vulog, специјализирана за технологија за краткотрајно изнајмување возила, стартуваа со својот прв заеднички проект во Мадрид. Партнерите им нудат на корисниците можност за изнајмување исклучиво возила со електричен погон. Возниот парк го сочинуваат 500 примероци од Citroen C-Zero, француска варијанта на Mitsubishi EV.

Проектот е дел од новата марка Free2Move, којашто производителот на Peugeot и Citroen ја стартуваше во септември. Планот е проектот наскоро да се прошири и во останатите европски метрополи.

Ya estamos en Madrid

Ya estamos en Madrid y empezarás a vernos por la calle. Entra en www.emov.es y regístrate con el código VIVEEMOV001. Tendrás el alta gratuita y 30 minutos de uso gratis. ¡Empieza a disfrutar de la ciudad en nuestros coches eléctricos de cuatro plazas!

Posted by Emov España on Monday, December 19, 2016

За корисниците да се регистрираат за услугата, еднократно се плаќа 9 евра, а една минута користење на возилата чини 19 евроценти или помалку од 12 денари. Доколку возилото се користи цел ден, цената е 59 евра. Со овие цени, разбирливо е што „carsharing“ наидува на одлична прифатеност во европските метрополи, но и низ светот.

Електричните автомобили уживаат повластици во шпанската престолнина, меѓу другото и бесплатен паркинг. Услугата стартуваше во понеделникот и за нејзино користење се регистрирале повеќе од 3.000 корисници уште во првиот ден.

Возилата со погон на струја прераснаа во стандард во компаниите што нудат возила за краткотрајно изнајмување, почнувајќи од Car2Go (Daimler) или DriveNow (BMW), до Cambio и Flinkster. Според последните гласини, Daimler и BMW планираат да ги здружат своите услуги во ова подрачје.


Ти се допаѓа? Сподели со пријателите!

140
19 shares, 140 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *