Download WordPress Themes, Happy Birthday Wishes
Вести

Лорд Марч е првиот аматер што се соочил со монструмот од Bugatti

Кога некој британски благородник ужива толкав углед што неговиот автомобилски собир останува во сенка единствено од Брегзит, нормално е тој да ја има и честа прв да го потера хиперавтомобилот Bugatti Chiron по сопствената „тркачка патека“.

Лорд Марч е првиот непрофесионален возач што седнал зад воланот на новиот Bugatti Chiron. Британскиот благородник викендов го привлече целото внимание на автомобилската сцена со одржувањето на традиционалниот Фестивал на брзината во Гудвуд, чијашто еуфорична атмосфера ниту Брегзит не успеа да ја засени.

Хиперавтомобилот со четирикратно турбонатполнење е најбрзиот сериски автомобил во историјата, со крајна брзина од 420 километри на час и забрзување до сто за 2,5 секунди. Монструмот задвижуван од осумлитарски мотор W16 со 1.500 коњски сили, чини околу 2,5 милиони евра и го заменува Veyron 16.4, кој и самиот не беше меѓу побавните автомобили на планетава. Француската благородна марка ќе изработи само 360 примероци од Chiron.

Лорд Марч го опиша неговото искуство во возењето на Bugatti Chiron по ридската патека: „Во поглед на севкупното автомобилско искуство, ова е апсолутниот врв – неверојатна моќ, но неверојатно лесно за возење. Тоа е наплив за сите сетила.“

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730