146
19 shares, 146 points

Mazda ја потврди премиерата на новиот CX-4 за салонот во Кина и објави само детал од изгледот на идниот купе-теренец. Но, и тоа е сосема доволно да се заклучи дека новиот модел е реализација на студијата Koeru.

Mazda планира да ја одржува неизвесноста околу изгледот на новиот теренец CX-4 до неговата премиера на салонот во Пекинг на крајот на април и засега објави фотографија на којашто се гледа само детал од изгледот на задниот дел од возилото. Но, овој автомобил веќе претходно се има појавено во јавноста, во форма на студијата Koeru.

Официјалната фотографија открива само детал од идниот CX-4
Официјалната фотографија открива само детал од идниот CX-4

Купе-теренците очигледно наидуваат на одличен прием кај публиката, откако BMW прв го проби ледот со X6, по кого следеше и Mercedes со GLE Coupe. Една класа подолу, првиот чекор исто така го направи BMW со купе-теренецот X4, за наскоро да следи и GLC Coupe. Сега во ова премиум-друштво ќе се вмеша и Mazda, со сериската верзија на модел базиран врз изгледот на студијата Koeru.

CX-4 ќе биде прикажан премиерно на салонот во Пекинг, но засега уште отсуствува потврда дали Mazda планира да го понуди моделот и на европскиот пазар. За тука Јапонците го имаат во план и CX-6, којшто сигурно ќе се раководи според изгледот на помалиот брат. Студијата Koeru е долга 4,60 метри и висока само 1,5 метар, додека меѓускиното растојание изнесува 2,70 метри.


Ти се допаѓа? Сподели со пријателите!

146
19 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *