Производителите на автомобили не се единствени што се под удар на кинеската влада. Заради прекршување на правилата на конкурентност на пазарот, под истрага се и добавувачите и трговците.
Кинеските органи за контрола на условите на конкурентност на пазарот поведоа истражна постапка против повеќе од 1.000 фирми од автомобилската индустрија. Според весникот „China Daily“, под истрага на Комисијата за развој и реформи се наоѓаат производителите на автомобили, добавувачите и трговците.
Заедничкото претпријатие на Audi и неговиот кинески партнер FAW е казнето заради прекршување на правилата на конкурентност на пазарот, односно на законот против монопол. Истрага се води и против Daimler, но и против повеќе кинески фирми.