137
18 shares, 137 points

Водородниот погон не е новитет кај предводникот во погонската технологија во браншата. Toyota вгради два блока горивни ќелии од Toyota Mirai во 36-тонски камион, кој во следниот период ќе се тестира во секојдневни услови во служба на пристаништето во Лос Анџелес.

Хибридниот погон дефинитивно се откачи од атрибутот „алтернативен“ и фигурира како нормален избор, покрај бензинските или дизел моторите. Револуцијата зачната од Toyota вроди плод. Сега е на ред водородот, погонот со горивни ќелии е новиот „хибриден погон“ во браншата. По Prius и првиот големосериски автомобил со погон на водород Mirai, следува и камион на Toyota, којшто користи водород како погонско гориво. Претходно, во Јапонија почна да вози и автобус со погонот на иднината.

Toyota Fuel-Cell Truck

Летово во пристаништето во Лос Анџелес ќе започне проектот чијашто цел е да докаже дали водородниот погон може да се користи и во тешкиот транспорт на стоки – со нулта емисија на штетни материи. Од издувот на овој камион излегува само чиста пареа. Горивните ќелии се основа на најсовршената погонска технологија со којашто располага автоиндустријата, со врвна ефикасност, секојдневна применливост иста како кај возилата со конвенционален погон, со апсолутно чист издув. Главниот проблем е истиот како кај електричниот, или поточно батерискиот погон – недостигот од развиена инфраструктура. Следен предизвик е неопходноста од масовно индустриско производство на водородот, коешто ќе ја сведе цената на електролизата на достапно или барем разумно ниво.

Toyota Fuel-Cell Truck

Камионот со водороден погон, којшто е основата на „Project Portal“, располага со моќност од преку 670 КС и вртежен момент од 1.800 њутнметри. Оваа моќност ја испорачуваат два погонски блока горивни ќелии од лимузината Mirai, во комбинација со батерија со капацитет од 12 kWh. Вкупната дозволена тежина на овој влекач изнесува 36 тони, додека со едно полнење на резервоарите може да се извозат околу 320 километри.

Водород против дизел, во камионска трка

Споредба од тешка категорија. Камионот со погон на водород на Toyota против камион со дизел мотор

Posted by Automedia.mk on Sunday, April 30, 2017

На „Project Portal“ му претходеше склучување соработка меѓу Toyota и Shell, чијашто цел е зголемување на бројот од станици за точење водород во Калифорнија.


Ти се допаѓа? Сподели со пријателите!

137
18 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730