146
19 shares, 146 points

Воената тактика на истовремено стрелање со повеќе оружја може да биде корисна и во транспортот. Камиони што се следат во колона на мало растојание ќе штедат гориво и простор.

Дигитализацијата го освојува и транспортот на стока. Камиони поврзани во дигитална мрежа ќе придонесат за зголемување на ефикасноста во транспортот. Производителите MAN и Scania го докажуваат тоа преку проектот „European Truck Platooning Challenge“, со колона од камиони што се следат на екстремно кусо растојание и разменуваат податоци преку дигитална мрежа. Во овој таканаречен „плотун“, системите за асистенција при возењето и автономните системи во камионите комуницираат меѓусебно, со цел да се овозможи возење на мошне мала оддалеченост меѓу нив.

Возењето во плотун се заснова врз системите за автономно возење и нуди предности во ефикасноста и безбедноста
Возењето во плотун се заснова врз системите за автономно возење и нуди предности во ефикасноста и безбедноста

По пример на вообичаената тактика на велосипедските трки, кога членови од тимот се менуваат на челото од колоната за да направат „заветрина“, така и првиот камион во колоната го „пробива“ воздухот и прави останатите камиони да возат поефикасно. Податоците за брзината и правецот на возење се пренесуваат од првиот камион кон останатите во колоната преку т.н. комуникација Car-to-Car. Податоците се разменуваат преку безжична мрежа на фреквенција од 5,9 GHz. Камионите се следат полуавтоматски, оддалечени само десет метри еден од друг. На овој начин, потрошувачката на гориво и емисијата на СО2 се намалуваат за десетина проценти.

Според партнерите во проектот, придобивки има и безбедноста. При возење по нагорнина, растојанието меѓу камионите се зголемува, за автомобилите да се „спровнат“ при престигнување. Проектот е иницијатива на холандската влада, во рамките на нејзиното претседателство во советот на ЕУ и со поддршка на здружението на европски производители на автомобили ACEA. Целта е да се поттикне примената на системи за автономно возење.

Двата плотуна на Scania и MAN ќе се сретнат на 6-ти април во Ротердам

Scania го стартуваше тестирањето со три возила кои појдоа од Содерталје во Шведска и продолжија преку мостот Оресунд кон Данска, Германија, Белгија и Холандија. Во исто време, MAN стартуваше плотун од Минхен, со одредиште во Ротердам, во Холандија. Двата конвоја ќе се сретнат во холандскиот пристанишен град на 6-ти април, а ќе им се придружат и возила од уште неколку производители.

За системот да функционира, единствено е потребно во возилата да постои опрема за поврзување во безжична мрежа. Но, за искористување и на дополнителните предности од „плотунското возење“ неопходно е да се постави и соодветна инфраструктура, односно мобилен интернет со висока брзина долж патиштата. Со тоа, автопатиштата ќе прераснат во „автопатишта за податоци“.

Автопатиштата во иднина ќе станат и „автопатишта за податоци“ со поставувањето инфраструктура за брз мобилен интернет
Автопатиштата во иднина ќе станат и „автопатишта за податоци“ со поставувањето инфраструктура за брз мобилен интернет

MAN и Scania располагаат со возен парк од над 200.000 камиони поврзани во мрежа. Со податоците што се добиваат од клиентите преку оваа мрежа може да се постигне поефикасна експлоатација и поголем профит за транспортерите. Двете марки комерцијални возила во концернот Volkswagen располагаат со најголем број мрежно поврзани камиони и автобуси во Европа.

Реализацијата на концептот на возење во плотун е предвидена за 2020 година. Дотогаш е потребно да се воспостави и соодветна правна рамка, како и тесна соработка меѓу учесниците во концептот, вклучувајќи усогласување на сообраќајните правила и на законите во земјите во ЕУ.


Ти се допаѓа? Сподели со пријателите!

146
19 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743