155
20 shares, 155 points

Браншата има големи надежи во технологијата за автономно возење. Веќе во 2020 година пристига првиот помасовен бран возила со автопилот. Но, возилата ќе се соочат со еден проблем што досега само малкумина го земаа предвид. „Хакирани“ сообраќајни знаци ја наведуваат вештачката интелигенција на погрешни пресметки.

Возилата со технологија за автономно возење пристигаат, тука нема сомневања. Единствено има сомневања околу безбедноста на возењето со автопилот. Наспроти првичната замисла и ветувања на производителите, дека оваа технологија ќе го направи возењето побезбедно, сега пристигаат нови докази дека може да се случи спротивното.

Научници од Универзитетот Вашингтон „хакираа“ неколку сообраќајни знаци, за да проверат како ќ ереагира технологијата за автономно возење. Според научниците, лесно е знаците да се сменат со цел да се предизвика забуна на камерите во идните возила со автопилот.

Опасност при возење со автопилот: Камерите го читаат хакираниот стоп-знак како знак за забрзување

Следејќи го алгоритмот што техниката го користи за распознавање на знаците и објектите, универзитетските експерти го „преработеа“ знакот за запирање, со додавање налепници на соодветните места. На тој начин, сензорската техника во возилото се наведува на заклучок дека не станува збор за стоп-знак, туку го препознава како знак за дозволена брзина. Поради тоа, автомобилот место да запре, почнува да забрзува. Катастрофата е програмирана, хакерите се задоволни.

Лепењето и „преправките“ на сообраќајните знаци се чест пример во градските средини. Некој може злонамерно да ги излепи знаците и да предизвика опасни ситуации во сообраќајот со идните возила со автопилот.

Студијата на научниците од Универзитетот е само уште еден доказ дека во развојот на технологијата не смее да се превиди ниту најмалата слаба точка. Хакерите се будни.


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *