Екологија

Искуства на берлински таксист со хибридниот Mitsubishi Outlander

Во изминатите шест месеци, берлинскиот таксист Отфрид Ренебарт користи Mitsubishi Outlander со хибриден погон и надворешно полнење на батериите. Многу факти одат во корист на штедливиот и чист погон.

Во 12-часовната ноќна смена, Ренебарт минува просечно 170 километри на територијата на Берлин и во околината. Mitsubishi Outlander PHEV во поголемиот дел од турите низ градот го користи само електричниот погон. Во периодите од ноќта кога стивнуваат повиците за такси превоз, Германецот ги полни батериите на брзиот полнач за струја што е поставен на прометниот Постдамер Плац и дониран е од Mitsubishi за градот, при што батериите се полнат до 80 проценти за само половина час. Возачите на електрични автомобили и хибриди со надворешно полнење имаат на располагање уште неколку полначи низ Берлин.

Пет литри бензин во град, со план да се намали на три

„Одушевен сум од тивкото возење и од забрзувањето, но и од потрошувачката. За половина година поминав преку 22.000 километри, со просечна потрошувачка на бензин од околу пет литри во градски услови. Доколку почесто би ги користел брзите полначи, во следните месеци би можел да ја намалам потрошувачката на три литри,“ зборува таксистот за своето искуство со комотниот теренец со хибриден погон.

Mitsubishi Outlander PHEV се користи како возило за такси превоз и рентакар во повеќе земји во светот уште од стартот на продажбата на моделот во 2014 година. Јапонскиот специјалист за електричен погон нуди збогатена гаранција за такси возилата што ги испорачува и за моторот, хибридниот систем, батериите, менувачот и системот за гориво гарантира техничка беспрекорност до 400.000 километри, место до 100.000 километри во петгодишен период – бесплатно.

 

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729