168
22 shares, 168 points

Посетителите на собирот во калифорнискиот Пебл Бич во овој викенд ќе имаат единствена можност да ги погледнат хиперксклузивните примероци на Bugatti на едно место. Вкупна вредност: 13,18 милиони евра.

Bugatti за прв и последен пат ќе ги прикаже на едно место сите модели од шестделната серија „Легендите на Bugatti“ за време на претстојниот собир на олдтајмери и ексклузивни нови модели во калифорнискиот Пебл Бич. Повод за настанот е успешното завршување на серијата во чест на важните личности и модели во историјата на марката, со денешната светска премиера на шестата и последна легенда „Ettore Bugatti“. Секоја одделна серија е лимитирана на три примероци. Сите 18 возила од серијата се веќе продадени.

Вредноста на шестте изложени примероци изнесува вкупно 13,18 милиони евра. Пред една година, ексклузивната марка го одбележа почетокот на серијата легенди со моделот „Jean-Piere Wimille“, по што следеа „Jean Bugatti” на салонот во Франкфурт и „Meo Costantini” на салонот во Дубаи. Серијата во оваа година продолжи со светската премиера на „Rembrandt Bugatti” во Женева и „Black Bess” на салонот Auto China во Пекинг. Серијата ја заокружи последната легенда „Ettore Bugatti” во чест на основачот на фирмата.


Ти се допаѓа? Сподели со пријателите!

168
22 shares, 168 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *