Историја

Овој електричен автомобил е стар 70 години: Nissan Tama

Nissan Tama електричен автомобил

Додека се крчка третата генерација на светскиот шампион Leaf, од историските архиви на Јапонците се пројавува Nissan Tama, електричен автомобил од пред точно седум децении.

Во периодот по втората светска војна, јапонските инженери преоѓаат од развој на воена техника во производство за цивилни потреби. Околу 200 експерти од производителот на авиони Tachikawa се префрлуваат во новата компанија Tokyo Electro Automobile. Нивната задача е да развиваат автомобил со погон на струја, во услови кога земјата се соочува со сериозен недостиг од гориво.

New photo by Automedia MK / Google Photos

Во 1947 година е подготвен прототип на камион со носивост од половина тон и електромотор од 4,5 КС. Неговото име е Tama, според локацијата на фабриката. Електричниот камион постигнува 34 километри на час и со полни батерии минува до 65 километри.

Празните батерии на Nissan Tama се заменуваат со полни, нема чекање со часови

По малечкиот камион следи и патнички автомобил, со две врати и место за четири патници. Искуството во развој на воена техника се огледува во неколку генијални детали на Tama. Батериите, на пример, вградени се во подот и оттаму се извлекуваат на лизгачи. Тоа овозможува брза и едноставна замена на истрошените батерии со полни. Нема потреба од чекање со часови.

Компанијата го произведува Tama во патничка и товарна верзија, со погон на струја или со бензински мотор. Во 1948 година пристига малечкиот Tama Junior, а потоа и Tama Senior. Компанијата се здружува со Prince Motor во 1951 година, кој деценија и пол подоцна станува дел од Nissan.

Nissan Tama (1947) · Технички податоци

  • Должина / ширина / висина: 3200 / 1270 / 1650 mm
  • Меѓуоскино растојание: 2000 mm
  • Тежина: 1050 kg
  • Седишта: 4
  • Досег со едно полнење: 65 km
  • Мотор (36V): DC, моќност 3,3 kW (4,5 КС)
  • Батерии (капацитет): Оловни ќелии (40 V /162 Ah)
  • Крајна брзина / економична брзина: 35 km/h / 30 km/h
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Следете ја Automedia.mk

Тест на летни гуми на клубот АДАК