138
19 shares, 138 points

Уште три недели преостануваат до премиерата на првиот сериски автомобил на Faraday Future на саемот за потрошувачка електроника во Лас Вегас. За публиката да го чека настанот со нетрпение, компанијата од Силиконската Долина објави видео на коешто нивниот нов автомобил се трка со Ferrari 488 GTB, Bentley Bentayga и Tesla Model X. Исходот засега е „неизвесен“.

Пред околу една година Faraday Future го прикажа концептниот автомобил FFZero01, којшто тогаш прикажа преголема футуристичка нота за публиката да може да поверува дека компанијата навистина ќе стартува со сериско производство на возила. На претстојниот саем за потрошувачка електроника во Лас Вегас, компанијата ќе ги разубеди сите што се посомневаа во нејзините сериозни планови. На 3-ти јануари ќе биде претставен првиот сериски автомобил на Faraday Future.

Перформансите на автомобилот може да се навестат уште сега, преку нешто што е замислено како „подбуцнувачко“ видео. На снимката се појавува кросовер, наместен на стартна линија за трка со Tesla Model X. Но, калифорнискиот модел не е единствениот што мора да ги докаже своите моќи пред електромобилот на Faraday Future. Нивниот нов кросовер се трка и со луксузниот Bentley Bentayga, како и со Ferrari 488 GTB. Исходот од трките со трите соперници засега е непознат, но штом Faraday Future го избра овој начин да го промовира својот прв автомобил, веројатно тој победува во сите три случаи.

http://automedia.mk/objavi/22068

За потсетување, кросоверот на Tesla во „најсилната“ изведба P100D забрзува до сто за 3,1 секунди, на 488 GTB за истото му се потребни точно три секунди, додека Bentayga е по малку надвор од конкуренција, но како сроден концепт со електромобилот на Faraday Future, неговото забрзување до сто изнесува 4,1 секунди. Како завршува одмерувањето на силите ќе дознаеме веројатно наскоро, во следното видео до премиерата во Лас Вегас.

Компанијата од Силиконската Долина во меѓувреме вози мошне успешно и во тркачката серија со болиди со електричен погон Формула-Е.


Ти се допаѓа? Сподели со пријателите!

138
19 shares, 138 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743