146
19 shares, 146 points

Произведените делови од добавувачот Scherm пристигаат во фабриката на BMW во Минхен со камион што вози само на струја. Ова е единствен случај во Европа, камион од 40 тони да користи исклучиво погон на батерии.

Меѓу фабриката на BMW во Минхен и погоните на добавувачот Scherm циркулира 40-тонски камион што користи исклучиво електричен погон. Возилото е произведено во холандскиот Terberg и прави тури осумпати дневно, разнесувајќи ги амортизерите, пружините, управувачките преносници и други компоненти од возилата до фабриката на баварскиот производител на автомобили. Со тоа, BMW е прв производител во Европа кој користи 40-тонски камион со електричен погон за транспорт на материјали во јавниот сообраќај.

Баварската министерка за економија Илзе Ајгнер зад воланот на електричниот камион во BMW
Баварската министерка за економија Илзе Ајгнер зад воланот на електричниот камион во BMW

За полнењето на батериите се користи исклучиво енергија добиена од обновливи извори, што совршено го заокружува еколошкиот и одржлив концепт. Во споредба со камион од 40 тони, електричниот транспортер ја поштедува животната средина од 11,8 тони СО2 за една година. Батериите се полнат за три до четири часови, а возилото потоа може да вози слободно до 100 километри, што практично одговара за целодневниот ангажман на камионот, без потреба од дополнително полнење на батериите во текот на работниот ден.


Ти се допаѓа? Сподели со пријателите!

146
19 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *