171
22 shares, 171 points

Во која земја може да го запленат возилото ако возачот има повеќе од 0,5 промили алкохол, каде се забранува пушење во возилото, каде мора да се поседува алко-тестер… некои земји имаат необични правила, но и казни.

Италија

Дозволеното ниво на алкохол во Италија изнесува 0,5 промили. При пречекорување следува казна во висина од најмалку 530 евра, но исто така постои можност полицијата да го заплени возилото. За прекршоци како пребрзо возење, во периодот меѓу 22 и 07 часот следува парична казна што е за една третина повисока отколку во останатиот период од денот. Возачите почетници во првите три години по издавањето на дозволата мораат да почитуваат посебни брзински ограничувања, односно 100 место 130 km/h на автопат и 90 место 110 km/h на отворен пат.

Франција

При посета на Франција е добро да знаете дека е препорачливо во возилото да се носи алко-тестер и истиот да се покаже на барање на полицијата. Во секој случај, непоседувањето на уред за тестирање на нивото на алкохол не се казнува, но при друг прекршок сигурно и тој ќе влезе во казнената мерка. Од 1-ви јули 2015, пуштањето прегласна музика во возилото се казнува со 75 евра, доколку притоа се оневозможува следењето на звуците од средината.

Шпанија

Во Шпанија треба да се исклучат сите електрични и електромагнетни уреди при полнењето гориво во резервоарот. Тоа се однесува на мобилни телефони и радио, но и на светлата на возилото.

Грција

Тоа што најмногу ги изненадува возачите што првпат се среќаваат со правилата на возење во Грција е кружниот сообраќај. На следново правило не смее да се заборави: Возилото што влегува во кружниот тек има предимство, односно возилата што веќе се во кружниот тек мораат да запрат и да го пропуштат истото. Доколку се заборави на ова правило може да се случат мошне опасни ситуации. Покрај тоа, во возилото е забрането да се пуши доколку во него има деца под 12 години.

Сан Марино

Во Сан Марино е апсолутно забрането пушењето додека се вози.

Хрватска

Возачите помлади од 25 години мораат да возат со 10 километри на час побавно од другите. Ова правило се однесува само за хрватските државјани, но се препорачува сите да го почитуваат, заради избегнување проблеми при евентуална сообраќајна контрола.

Унгарија

Во Унгарија мора да се внимава при паркирањето, затоа што и неделата може законски да се прогласи за работен ден. Затоа не треба да се изненадите ако на паркиралишта што обично се бесплатни во недела, одненадеж треба да се плати за паркирање.

Бугарија

Во Бугарија не смее да се влегува ниту излегува со резервна кантичка за гориво во возилото.

Србија

Србија отсекогаш имала оригинални сообраќајни правила, но сето тоа е со цел да се реагира на локалните специфики – кои и не се само локални. Возењето велосипед со слушалки, на пример, се казнува со 32 евра, а исто толку чини и возењето велосипед побрзо од 35 km/h. Фрлањето отпад низ прозорец исто така е регулирано со закон и се казнува со 52 евра. Возачите што одбиваат тест на наркотици се упатуваат во притвор.


Ти се допаѓа? Сподели со пријателите!

171
22 shares, 171 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730