Дизелот сé помалку интересен за возачите во Европа

На европскиот пазар во октомври се продале 1.202.877 возила или за 5,6% повеќе отколку во истиот месец лани. Тоа е најдобра октомвриска продажба по 2009 година, кога беа регистрирани 1,26 милион патнички автомобили. За периодот на првите десет месеци исто така има зголемување од 3,6 проценти и вкупно 13,18 милиони нови автомобили на европскиот пазар. Тоа е блиску до рекордот од 2007 година, кога во истиот период се продадоа 13,63 милиони возила.

Ваквиот резултат според аналитичарите се должи првенствено на бумот во продажбата на спортски теренци. Покрај тоа расте и побарувачката за возила со бензински мотор, како и за електрични и хибридни возила. По земји, најмногу растат пазарите во Франција, Италија, Шпанија, Полска и Холандија. Тоа го компензира падот во продажбата на дизели во Велика Британија, кадешто во октомври се продадени за 12,2 проценти помалку возила со дизел мотор отколку во истиот месец лани.

Големи промени се случуваат кај одделните видови на погон. Бензинците владејат со пазарот, со удел од 51,5% и раст од 5,1 проценти. Наспроти тоа, опаѓа интересот за дизелот. Во октомври се продале 498.500 автомобили со дизел мотор или за 9,9% помалку отколку во ланскиот октомври. На дизелите моментно отпаѓаат само 41,4% од пазарот. Тоа е најниска стапка во октомври последните десет години. Апсолутен рекорд имаат електричните и хибридните возила, кои со 66.000 примероци во октомври учествувале со 5,5% во вкупната продажба на возила.

Топ 10 најпродавани модели во Европа во октомври

Топ 10 најпродавани марки во Европа во октомври