157
22 shares, 157 points

Во Jaguar не пропуштаат секоја пригода да ја претворат во спектакл. Исто како и со нивните автомобили. Дизајнерот Вејн Барџис беше поканет на интервју во траење од 44 секунди во новиот Jaguar XJR575. Толку време е потребно за крајната брзина.

Лимузините од најрасната сорта го затвораат кругот. По воведувањето на новите моделски генерации на Mercedes S-Class, на серијата 7 на BMW и на Audi A8вклучувајќи го во меѓувреме и фејслифтот на највозрасниот од нив – сега реагираат и од британската марка којашто некогаш беше нераздвојна од овој круг. Jaguar бара место меѓу најлуксузните и најдинамични лимузини со XJR575, како најекстремна изведба на серијата XJ. И најскапа, секако. Британскиот ценовник наведува 93.710 фунти.

Jaguar XJR575 спринтува до сто за само 4,4 секунди

Во историјата не постоел побрз XJ. Овој јури 300 километри на час и за тоа ги впрегнува 575-те коњски сили и 700-те њутнметри од петлитарскиот V8 со механички компресор. Одговара и спринтот до сто: 4,4 секунди.

За најверно да се прикажат овие способности на „575“, Британците повторно изнајдоа начин да се разликуваат од останатите. Телевизиската водителка и тркачка Аманда Стретон го интервјуираше дизајнерот за специјални проекти Вејн Барџис на задната клупа од брзиот Jaguar. За тоа, шармантната Стретон имаше на располагање само 44 секунди. Толку време му е потребно на XJR575 додека достигне 300 километри на час од место.

Како мина интервјуто, погледнете на видеото:


Ти се допаѓа? Сподели со пријателите!

157
22 shares, 157 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *