147
19 shares, 147 points

Во кратер долг двестотини метри во италијанската метропола на уметноста утринава пропаднаа дузини автомобили. Причина за пропаѓањето на асфалтот била несанирана водоводна цевка.

Жителите на Фиренца утринава имаа непријатно изненадување. Среде центарот на италијанската меторпола на уметноста, утрово пропаднала цела улица, заедно со автомобилите паркирани на неа. Во кратерот долг двестотини метри и широк околу седум метри, во непосредна близина на прочуениот мост „Понте Векио“, пропаднале дваесетина возила во вода и кал. Пропаднатата улица води по текот на реката Арно и се наоѓа директно спроти музејот во којшто меѓу другото е изложена и „Раѓањето на Венера“ од ренесансниот сликар Ботичели.

firenca auta 2

Незгодата се случила во време кога не можела да предизвика човечка штета. Улицата пропаднала рано утринава околу шест часот. Повредени нема, но материјалната штета е енормна. Од безбедносни причини, музеите на Палацо Пити цел ден беа затворени. Многубројните туристи во градот не ја пропуштиле можноста да ја овековечат необичната глетка. За извлекување на дел од автомобилите пропаднати во калта морало да се користи и кран.

Причина за незгодата е дефект на водоводната цевка под улицата, кој предизвикал пукање на асфалтот. Водоводната служба била повикана уште на полноќ, за дупката набрзо да се прошири до 70 сантиметри. Во текот на денот се појавиле уште неколку кратери, по што е формиран кризен штаб, а од станарите е побарано да ги напуштат своите домови заради безбедносни причини.


Ти се допаѓа? Сподели со пријателите!

147
19 shares, 147 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *