143
106 shares, 143 points

Околу потребата за миење на автомобилот во зимо постојат различни убедувања. „Зошто да го мијам автомобилот кога тој пак ќе се извалка?“ Но, автомобилот не само што треба, туку и мора да се мие.

Секое зимо се повторува истата слика. По улиците се среќава голем број автомобили со валкана каросерија, светла што жмиркаат под слојот нечистотија и стакла кои минувачите ги искористиле да испратат порака до јавноста или до сопственикот. Прашањето е: Дали автомобилот треба да се мие во зимо или не? На тоа има само еден одговор: Да, автомобилот не само што треба, туку мора да се мие. Постојат две причини за тоа: Автомобилот мора да се мие заради безбедноста и заради зачувувањето на возилото.

Возила што се покриени со кал од покривот до тркалата одвај ја рефлектираат дневната светлина или светлата од другите автомобили ноќе, поради што помалку се забележуваат во сообраќајот и според статистиката учествуваат почесто во сообраќајни незгоди. Дури и дневните светла не се забележуваат поради замачканиот слој нечистотија, а значително се намалува и досегот на собореното светло, и тоа во услови кога прегледноста во сообраќајот е значително намалена.

Нема потреба од избирање на најскапата програма во автопералните за автомобилот да се одржува чист. Доволно е да се избере најевтината програма и почесто да се посетува автопералната. За каросеријата е подобро ако е вклучено и сушење. Точно е дека денешните автомобили веќе одамна не кородираат толку брзо и агресивно како пред 20 години, но постојаниот контакт со агресивната сол на патот и со самата зимска нечистотија му пречи на автомобилот.

Солта можеби нема да ја нагриза каросериската ламарина, којашто денес е лакирана педантно, а најчесто поседува и заштита со слој од цинк, но затоа постојат најразлични инсталации во и под автомобилот, како сопирачките, сопирачките црева, ладилникот, кондензаторот за клима уредот или картерот за масло, коишто се чувствителни на комбинацијата од влага и нечистотија. Овие делови нема да се измијат целосно во автопералната, но доволно е што врз нив ќе протече вода и на тој начин ќе ја намали концентрацијата на сол, а со тоа и опасноста од корозија. Истото важи и за шуплините во вратите, коишто преку отворот за стаклото доаѓаат во допир со агресивната сол.

Колку често треба да се мие автомобилот во зимо? Колку што е потребно, зависно од извалканоста, но најдоцна во моментот кога нечистотијата ќе почне да ја попречува прегледноста преку страничните стакла. Тогаш е крајно време да се посети сервисот за миење или автопералната.

Загриженоста од мрзнење на бравите или на заптивките на вратите е неопотребна доколку се користат соодветни средства. Но, од друга страна, само мал број од денешните автомобили се отклучува преку бравите во вратите, а и заптивките на вратите и прозорците замрзнуваат само кога тие се целосно исушени и поради тоа ја впиваат водата. Погрешна е практиката на некои возачи да користат вазелин за премачкување на заптивките, затоа што тој содржи штетни материи за гумата.

По излегувањето од автопералната или сервисот мора да се внимава само на едно. Сопирачките треба да се „притиснат“ веднаш на излезот, за на тој начин да се осуши водата од дисковите и плочките, којашто може да замрзне и да предизвика опасност. Совет е и возилото да не се паркира брзо по миењето, туку да се извози неколку километри.


Like it? Share with your friends!

143
106 shares, 143 points
djakonov

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730