Германскиот министер за сообраќај предупредува за опасност од напади за преземање на компаниите за мобилност и инфрастуктура, како последица од вирусот корона. Финансиски ослaбнатите компании би можело да станат мета на меѓународни инвеститори.
Сојузниот министер за сообраќај Андреас Шоер предупредува за можноста, германските компании за мобилност и за инфрастуктура да бидат жртва на напади за преземање, во услови на кризата околу корона. „Не е само нападот од вирусот. Ние би можеле потоа да се соочиме и со напад врз економијата,“ изјави Министерот за дневникот „Зидојче Цајтунг“. Постои опасност, меѓународни инвеститори да посегнат по финансиски ослабнатите фирми во земјата.
Шоер наведува дека во светот постои голем интерес и за успешните германски компании што дејствуваат во подрачјето на мобилноста и инфрастуктурата. По консултации со останатите министри и министерства, најавени се заштитни мерки: „Целта ни е од надвор да се одбраниме од овие планови. Се работи за обезбедување на економската моќ во Германија по кризата.“
Германскиот министер за економија Петер Алтмајер претходно изјави дека тој се бори да спречи „распродажба“ на германските економски и индустриски интереси.
Wir erleben außergewöhnliche Zeiten. Besonders Lkw-Fahrer, Zugführer, Lageristen, Gabelstaplerfahrer, die Mitarbeiter im Supermarkt & viele andere arbeiten hart, um unsere stabile Grundversorgung aufrechtzuerhalten. Euch möchte ich von Herzen danken. (1/2)#COVIDー19 pic.twitter.com/LSmwynDeri
— Andreas Scheuer (@andreasscheuer) March 22, 2020
Германскиот министер за сообраќај во своето обраќање преку твитер: „Живееме во вонредни времиња. Особено возачите на камиони, на локомотиви, магационерите, возачите на вилушкари, вработените во супермаркети и сите останати, работат напорно да се обезбеди основното снабдување“