141
20 shares, 141 points

Врз основа на MAN TGS со погон на шест тркала е изведено ова експедициско возило од марката Unicat во којашто веруваат авантуристите. Тоа што нормалните го немаат: Резервоар за 1.050 литри гориво, соларен колектор од 2 киловати на покрив, трицилиндарски дизел како генератор за струја.

Специјалистот за изработка на експедициски возила од германскиот Детенхајм повторно повикува на авантура. Последниот „модел“ на Unicat е изработен врз основа на MAN TGS 6×6 и се води како MD77h. Моќноста од 540 КС се распределува преку разделен преносник со теренска редукција и мануелно вклучување на погонот на предната оска. Блокада во предниот и задниот диференцијал не отсуствува, исто како и контрола на притисокот во гумите, приклучок за компримиран воздух и двокоморен резервоар за гориво со зафатнина од 1.050 литри.

Unicat MD77h

Квалитетот на дизелот е неважен. Во снабдувањето со гориво се користи загреван груб филтер за нафта и филтер за вода. Unicat располага и со сопствена бензинска станица за „пратечките“ возила, со зафатнина од 125 литри и со посебна пумпа за точење.

Штитник за гранки е стандард кај овие возила, исто како и издржлив носач за багаж на покривот, изработен од алуминиумски цевки. Четирите светла и работните светилки не се за украс.

Во освојување на светот со сопствен дом на тркала

Седиштата од Recaro се во комфорна варијанта, со пневматска амортизација, грејачи и обложени се со кожа. Електрика за прозорците, клима уред, централна брава со далечинска команда и дополнителна топлинска и звучна изолација се грижат за комфор на долгите патувања. Четири камери со висока резолуција и една камера за рикверц го покриваат целиот простор околу Unicat. Има и инфрацрвена камера. Компасот веројатно е поважен од вградената сателитска навигација.

Unicat MD77h

Висината на еластичната носечка рамка се мести, за да се постигне максимално растојание од подлогата или најниска можна висина. Целата надградба е долга 7,7 метри и изработена е од плексиглас. За премин во возачката кабина служи „хармоника“.

Подно греење во купатилото

Веднаш зад кабината се наоѓаат четирисед и ротирачка маса што се спушта со електромотор. Софата по потреба се претвора во двоен лежај. Назад се наоѓа спална соба со два единечни лежаи, со амортизација, вентилација оздола и грејачи. Купатилото од возачката страна има подно греење, одвоен тоалет и туш, а не недостига и машина за перење. Кујната меѓу другото е опремена со електрична дробилка за отпад и печка.

Unicat MD77h

Заради ниската тежина, мебелот е изработен од бамбус, но затоа за бродскиот под се користи тиково дрво. Скапа алкантара ги покрива ѕидовите и таванот.

Техничката опрема не заостанува. Целиот „станбен“ простор се напојува од AGM батерии. Вградени се два трансформатора/полначи со трајна моќност од 6 киловати, додека на покривот се наоѓа 24-волтен соларен колектор со 1.920 вати. За снабдување со струја се користи трицилиндарски дизел генератор.

Караван Салон Диселдорф: На кого уште му е потребен недвижен дом?

Водата за пиење е сместена во четири резервоари со четири пумпи и вкупна зафатнина од 1.170 литри. Назад се наоѓа и подвижна платформа за мотоцикл.

Цената? Во споредба со приватен авион, ситница.

Unicat MD77h

Unicat MD77h

Unicat MD77h

Unicat MD77h

Unicat MD77h

Unicat MD77h

Unicat MD77h


Ти се допаѓа? Сподели со пријателите!

141
20 shares, 141 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743