132
18 shares, 132 points

Големите имиња во доставата на домашна адреса нема да замижат пред овој автомобил. Електромобилот Twizy се нуди и во верзија како доставно возило – и делува како магнет за погледите

Тоа што ја разликува доставната од стандардната изведба на малечкиот автомобил со погон на струја на Renault е задната врата за пристап до багажникот, односно користењето на просторот за задното седиште како товарен простор. Багажникот има зафатнина од 156 литри и собира две гајби пиво еднододруго. Товарниот простор е со површина од 55 х 50 сантиметри, а во висина оди до 95 сантиметри.

Фирмите за достава го користат препознатливиот изглед на Twizy, исто како и напредниот погон на струја, како основа за градење на имиџот и за стекнување поголема популарност
Фирмите за достава го користат препознатливиот изглед на Twizy, исто како и напредниот погон на струја, како основа за градење на имиџот и за стекнување поголема популарност

Француската цена на верзијата со моќност од 5 КС и крајна брзина од 45 km/h изнесува околу 8.000 евра, односно 700 евра повеќе за посилната верзија со 18 КС и 80 km/h. Пренамената во товарно возило не влијае врз автономијата на Twizy. Исто како стандардниот двосед, доставната верзија минува 100 километри со полни батерии. Околу 60 проценти од купувачите на електричниот автомобил на Renault се професионални корисници на возилото.

r130822p


Ти се допаѓа? Сподели со пријателите!

132
18 shares, 132 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *