178
23 shares, 178 points

Уште еден доказ за „издржливоста“ на Volvo. Седум години по премиерата, кросоверот XC60 уште успева да го предводи сегментот и со продажбата да ги надмине сите конкуренти.

Шведскиот кросовер XC60 се појави за првпат уште во 2008 година, но како што минуваа годините, тој се продаваше сé подобро. И не само подобро, туку и најдобро. Во минатата година, кросоверот од средната класа се продаде подобро од кој било од неговите конкуренти. Volvo XC60 достигна 158.617 примероци во 2015 година и тоа е негова најдобра продажба досега. Истото важи и за моделите S60 и V60 со коишто тој ја дели платформата.

Во сегментот на Volvo XC60 воопшто не е лесно, затоа што тука чекаат ѕверки како BMW X3 или Honda CR-V и Mazda CX-5. Во оваа конкуренција, Швеѓаните успеаја за околу осум години да продадат над 750.000 примероци од моделот. Продажбата надмина 100.000 примероци дури во 2012 година и продолжи да расте постепено, достигнувајќи 136.993 примероци во 2014 година.


Ти се допаѓа? Сподели со пријателите!

178
23 shares, 178 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *