143
19 shares, 143 points

Автомобилската индустрија е во добро расположение на салонот во Лос Анџелес. Причина за тоа е силниот американски пазар, од кого што профитираат и странските марки.

При евтин бензин, поволни кредити и ниска стапка на невработеност, Американците купуваат автомобили како никогаш досега. Пазарот на нови автомобили во САД е на сигурен пат да го надмине рекордното ниво од 2000-та година, кога во земјата се продадоа 17,3 милиони нови автомобили. Најголем интерес и натаму предизвикуваат спортските теренци и пикапите.

Најпродаван модел во првите десет месеци од годинава е пикапот од серијата F на Ford, со 630.000 примероци или 1,5 процент повеќе отколку во истиот период лани. Најпродаваниот пикап во светот со тоа го потисна и Ford Focus на глобалната листа на возила. Уште поголем напредок забележува главниот конкурент Chevrolet Silverado чија што продажба се зголеми за 15 проценти и достигна 493.000 примероци. На третото место се наоѓа уште еден пикап, Dodge Ram, со 372.000 продадени возила за десет месеци месеци.

Најпродавана лимузина во САД е локално произведуваната Toyota Camry

Првиот патнички автомобил е локално произведуваната лимузина од средната класа Toyota Camry, со 361.000 продажби. Од петтото до деветтото место исто така следуваат модели од јапонските марки: Toyota Corolla (306.693 примероци, +8,1%), Honda Accord (294.965, -11,0%), Nissan Altima (283.372, +1,0%), најпродаваниот спортски теренец во светот Honda CR-V (288.531 примероци во САД, +6,8%) и Honda Civic со 277.538 продадени примероци. Водечката десетка ја заокружува Ford Escape, кој во првите десет месеци достигна 257.731 примероци (+1,0%).

Интересна борба во премиум сегментот: Класата С на Mercedes порасна за 25 проценти, на 72.000 примероци, додека продажбата на конкурентот од серијата 3 на BMW опадна за 25 проценти, на 81.000 примероци. Наскоро следи изедначување?
Интересна борба во премиум сегментот: Класата С на Mercedes порасна за 25 проценти, на 72.000 примероци, додека продажбата на конкурентот од серијата 3 на BMW опадна за 25 проценти, на 81.000 примероци. Наскоро следи изедначување?

Најголем напредок во продажбата има постигнато Nissan Rogue, како американска верзија на спортскиот теренец од средната класа Nissan X-Trail. Неговата продажба се зголеми за 41 процент, на 238.000 примероци, што го става овој модел на 13-то место на листата на најпродавани возила во САД. Во апсолутната стапка на пораст, рекордер е Volkswagen Golf, со зголемување на продажбата од близу 120 проценти и 56.000 продадени примероци, на 74-то место. Аферата „дизелгејт“ очигледно не остава траги врз продажбата на германската марка на пазарот којшто ја пласираше истата.


Ти се допаѓа? Сподели со пријателите!

143
19 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *