BMW летово ќе пушти 40-тонски камион со погон на струја да врши редовна дистрибуција на стока до фабриката во Минхен. Со тоа, BMW е прва германска марка што користи електричен камион со оваа големина во јавен сообраќај.
Заедно со партнерот во логистиката Scherm, групацијата BMW летово ќе започне да користи 40-тонски камион со електричен погон на подрачјето на градот Минхен. Електричниот камион ќе биде ангажиран во навремена дистрибуција на материјали меѓу претпријатието за логистика Scherm и фабриката на BMW во Минхен. Осумпати дневно, е-камионот ќе вози на релација од близу два километри и со тоа ќе ја поштеди животната средина од 11,8 тони СО2 на годишно ниво. За споредба, тоа е количината на јаглероден диоксид што суперштедливиот BMW 320d Efficient Dynamics би ја произвел доколку трипати го обиколи светот. На тоа се надоврзува и фактот што повеќе од половина од потребата од струја, BMW ја покрива од обновливи извори.